Tags-History

merī ik umr aur ik ahd kī tārīḳh raqam hai jis par
kaise rokūñ ki vo aañsū mirī ā.ankhoñ se girā jaatā hai

ye hai tārīḳh kā darbār kuchh darvesh baiThe haiñ
khaḌe haiñ qaisar o faġhfūr o dārā-e-ajam pīchhe

yuuñ bhī tārīḳh kī tārīḳh raqam hotī hai
niklī tārīḳh mahal se to khañDar meñ aa.ī

khaḌā huuñ maiñ das hazār saala qadīm duniyā ke biich 'ovaisī'
ulaT ke tārīḳh ke varaq zindagī mujhe kuchh sunā rahī hai

merī hairat ko bhī tārīḳh meñ mahfūz karo
mere ahbāb meñ har shaḳhs buroTas niklā

surḳh-rū hai jahāñ tārīḳh-e-do-ālam 'ishrat'
ḳhuun Tapkā hai vahīñ nok-e-qalam se aage

sirf tārīḳh kī raftār badal jā.egī
na.ī tārīḳh ke vāris yahī insāñ hoñge

ansār ke ḳhanjar pe muhājir kā lahū hai
tārīḳh ne aisā kabhī manzar nahīñ dekhā

sirf tārīḳh kī raftār badal jā.egī
na.ī tārīḳh ke vāris yahī insāñ hoñge

tārīḳh bhī huuñ utne baras kī moarriḳho
chehre pe mere jitne baras kī ye gard hai

paapā miyāñ zamāne meñ kyā naam kar ga.e
tārīḳh-e-hind meñ vo nayā kaam kar ga.e

kabhī lahū se bhī tārīḳh likhnī paḌtī hai
har ek ma.arka bātoñ se sar nahīñ hotā

kaun girya kare, kare mātam
kaun tārīḳh-e-kisht-o-ḳhūñ ko paḌhe

tahzīb kā tasallut hai aa.ine se bāhar
tārīḳh ke safar kā vijdān aa.ine meñ

tārīḳh-e-badāyūñ meñ mārūf suḳhan-var haiñ
'saifī' kī nazar lekin girvīda-e-'fānī' hai

hoñToñ kā mahak uThnā āñchal kā Dhalak jaanā
in paak gunāhoñ kī tārīḳh purānī hai

jab bhī sadiyoñ kī futūhāt ko muḌ kar dekhā
ḳhuuñ meñ luThḌe hue tārīḳh ke abvāb mile

aan kī aan meñ tārīḳh badal jaatī hai
shikan-e-zulf kī sūrat ḳham-e-abru kī tarah

miT nahīñ saktā kabhī dāman-e-tārīḳh se daaġh
ḳhūn-e-mazlūm kabhī rā.egāñ hotā hī nahīñ

faqat apnī tārīḳh kī be-sar-o-pā talab ke tale
ham dabe haiñ!