Tags-History

daryāft ko zaḳhm kī chale the
tārīḳh kī dhaar par ga.e ham

ham zabt kī tārīḳh ke haiñ baab 'rashīdī'
ham zabt kī tārīḳh meñ pinhāñ nahīñ hote

kal tārīḳh yaqīnan ḳhud ko dohrā.egī
aaj ke ik ik manzar ko pahchān meñ rakhnā

mar ke bhī zinda-e-jāved haiñ fankār-e-azīm
jo nazar aate haiñ tārīḳh ke shah-pāroñ meñ

tārīḳh-e-zamīñ baḳht-kushā hone lagī to
khultā gayā ham vaqt se be-kār laḌe haiñ

shola-e-tārīḳh kī zad par hai tāj-e-khusravī
ġharra-e-taqdīr-e-sultāñ bechtā phirtā huuñ maiñ

bhañvar meñ Duub ke tārīḳh ban ga.e goyā
safīne ishq ke sail-e-balā se kam na hue

nadīm tārīḳh-e-fat.h-e-dānish bas itnā likh kar tamām kar de
ki shātirān-e-jahāñ ne āḳhir ḳhud apnī chāloñ se maat khaa.ī

ye haqīqat hai ayaañ tārīḳh ke aurāq se
zindagī kī rif.ateñ zanjīr se miltī to haiñ

ābād usī ne dil kī vaadī kī hai
tārīḳh ne aksar ye munādī kī hai

ham to aa.e the ki dekheñge tumhāre qarye
vo dar-o-bām ki tārīḳh ke sūrat-gar haiñ

tārīḳh ki rahī hai ki miTtā nahīñ hai zulm
muḳhtār-e-kul batā tirā sansār kyā kare

kyuuñ apnī tārīḳh se nālāñ haiñ is shahr ke log
Dah dete haiñ jo ta.amīr purānī hotī hai

uchaTtī āñkhoñ se tahzīb kā safar kaisā
tū apne-āp ko tārīḳh ke udhar le jā

jab yuuñ na ho sakā to ye tārīḳh hai gavāh
uTThe asā-ba-dast ġhulmān-e-kaj-kulāh

tārīḳh kī ghor guphāoñ meñ
shāyad paa.e pahchān mirī

tārīḳh sunā saktī hai sadiyoñ ke safar kī
ye gard sar-e-rāhguzar yūñhī nahīñ hai

jinheñ tārīḳh bhī likhte Daregī
vo hañgāme yahāñ hone lage haiñ

aaj kī tārīḳh meñ insāñ mukammal kaun hai
ye pata kaise chale ki kis kā maqtal kaun hai

sadiyoñ se taraste hue kānoñ meñ jo pahuñchī
tārīḳh se pūchho vo sadā ham se milī hai