Tags-History

tū mile 'mehr' se ai mah yahī tārīḳh ho sach
gulshan-o-bāda-o-gul meñ tujhe garmā.e havā

tārīḳh kī āñkhoñ meñ dhuāñ ho ga.e ḳhud hī
tum ko to koī ghar bhī jalānā nahīñ aatā

ham ko is daur kī tārīḳh to likhnī hogī
ek chhoTā sā qalam hī sahī apnā hai zarūr

tārīḳh batā.egī vo qatra hai ki dariyā
aañsū hai abhī vaqt ke qadmoñ meñ paḌā hai

mukāfāt-e-amal tārīḳh-e-insāñ kī rivāyat hai
karoge kab talak nāvak farāham ham bhī dekheñge

mirā ġham terī tārīḳh-e-karam meñ
faqat mazkūr ho kar rah gayā hai

maiñ ne jaanā hai ki lafzoñ ke tilismī dhāge
kaise tārīḳh ko unvān na.e dete haiñ

aaj apne zahr se kaaT diyā sab zañg purāne lafzoñ kā
ā.inda ke andeshoñ kī tārīḳh raqam karne ke liye

tārīḳh surḳh-rū hai inhīñ hādsāt se
jin hādsoñ se qat-e-nazar kar diyā gayā

tārīḳh se ijtimā.ī mubāsharat
ham ne khel samajh kar shurūa kī

tārīḳh-e-chaman likhne ke liye kyuuñ haath baḌhe haiñ gulchīñ ke
āġhāz-e-gulistāñ merā thā anjām-e-gulistāñ merā hai

likkhī thī ġhazal ye āgara meñ
pahlī tārīḳh january kī

aisā sairāb kiyā us ne ki ḳhud tishna-labī
ik sanad ban ga.ī tārīḳh meñ saqqā.ī kī

vo jo haiñ tārīḳh se vāqif batā.eñ
farq bād-e-āh o bād-e-ād meñ

apne ghar kī na.ī tārīḳh ke aurāq pe ab
kahīñ dīmak kahīñ makḌī kahīñ jaalā likkhūñ

phir se tārīḳh ban gayā mauzūa
phir se qissa nayā banāyā hai

mujh ko miTā de is tarah duniyā se ai ḳhudā
tārīḳh meñ bhī koī na mujh sā dikhā.ī de

pichhlī tārīḳh kā aḳhbār sambhāle hue haiñ
unkī tasvīr ko be-kār sambhāle hue haiñ

merā qissa kisī afsānā-e-dariyā meñ nahīñ
merī tārīḳh kisī safha-e-sahrā meñ nahīñ

sach kahāñ hai
tārīḳh ke aurāq meñ