Tags-History

tārīḳh-e-junūñ ye hai ki har daur-e-ḳhirad meñ
ik silsila-e-dār-o-rasan ham ne banāyā

ab mire shahr kī pahchān hai ik vāda-shikan
shahriyat badlūñ ki tārīḳh kā inkār karūñ

badaltī samtoñ kī tārīḳh likh rahā huuñ maiñ
har ek moḌ pe ab hādsa zarūrī hai

har inqalāb kī tārīḳh ye batātī hai
vo manziloñ pe na paayā jo rahguzar se milā

kabhī to tārīḳh kī adālat meñ
tum bhī aaoge ham bhī ā.eñge

kabhī to tārīḳh kī adālat meñ
tum bhī aaoge

shikast-o-fat.h kī tārīḳh likkhī jā.egī yuuñ bhī
tahī-dastī se hogā ma.arka sar dekhnā ab ke

kaise tārīḳh ko bhulā Dālūñ
ḳhuuñ meñ Duubī hai ye sadī apnī

tā-chand 'suhail' afsurda-e-ġham kyā yaad nahīñ tārīḳh-e-haram
īmāñ ke jahāñ paḌte haiñ qadam paidā vahīñ zamzam hotā hai

vo jis ke husn kī tārīḳh tum ne ḳhud hī likkhī thī
vahī tasvīr kyuuñ duniyā ko dikhlāne nahīñ dete

tum na kaho tārīḳh kahegī ham haiñ kis me.aar ke log
patthar khaa.e phuul tarāshe rāhoñ ko hamvār kiyā

tārīḳh-e-inqilāb-e-zamāna se pūchh lo
jab jab sadā milī sar-e-dār aa ga.e haiñ ham

tārīḳh batā.egī vo qatra hai ki dariyā
aañsū hai abhī vaqt ke qadmoñ meñ paḌā hai

shāhoñ kī tārīḳh bhī ham ne dekhī hai lekin
us ke dar ke gadāoñ vaalī baat nahīñ dekhī

vo jānte haiñ jo tārīḳh paḌhne vaale haiñ
hamīñ ne gardish-e-daurāñ ke bal nikāle haiñ

ḳhush-fahm haiñ ki sirf rivāyat parast haiñ
ḳhush-fikr the ki le uḌe tārīḳh kā kafan

khāne piine se jo mohlat kabhī pā jaatā thā
har mo.arriḳh sar-e-tārīḳh pe farmātā thā

ek safha kahīñ tārīḳh meñ ḳhālī hai abhī
āḳhirī jañg se pahle tumheñ mohlat dūñgā

ye jabr bhī dekhā hai tārīḳh kī nazroñ ne
lamhoñ ne ḳhatā kī thī sadiyoñ ne sazā paa.ī

arbāb-e-mashāhīr kā lene ke liye naam
kuchh daur-e-guzishta kī bhī tārīḳh chhanī hai