Tags-History

ye kis ne mire jism kī tārīḳh ulaT dii?
sāñsoñ kī zamīñ par,

ajdād kahīñ tum hal Daalo aur fasl ugaao karmoñ kī
pīchhe tārīḳh kā hāñkā hai aur aage bail Darā sahmā

jab ham ne lagāyā thā gale se tumheñ apne
us daur kī tārīḳh bhulā kyuuñ nahīñ dete

lahū meñ Duubī hai tārīḳh-e-ḳhilqat-e-insāñ
abhī ye nasl hai shā.ista-e-hayāt kahāñ

kaise tārīḳh likkhī jā.egī
sirf talvār aur gulū hai yahāñ

kis liye jashn-e-anā mahfil-e-idrāk meñ hai
merī tārīḳh mire dāman-e-sad-chāk meñ hai

vo ek lamha ki tārīḳh jis se raushan hai
matā-e-ḳhāk usī ke lahū kā ḳhirman hai

''ye shahr sūraj kā shahr hai is ke roz-o-shab kā pata nahīñ hai
na aaj tak vaqt aur tārīḳh kā mujhe ilm ho sakā hai

tārīḳh ke phaile hue safhāt pe jaise
zaḳhmoñ kī numā.ish hai faqat kaam kisī kā

uThā.e dosh pe tārīḳh-e-hādsāt-e-jahāñ
guzar rahā hai dayār-e-hayāt se insāñ

ba-qaul-e-soz 'jur.at' kyā kaheñ ham fikr ko apnī
hamārā sher haigā bāda-e-vahdat kā paimāna

lūTne vaale kabhī luuT na pā.eñge mujhe
maiñ batā dūñgā agar raḳht-e-safar kī tārīḳh

apne bachchoñ ko na deñ paa.e kabhī koī ḳhushī
sirf ham likhte rahe apne hunar kī tārīḳh

un fazāoñ meñ koī baḌh ke dikhā.e to kamāl
ḳhud-ba-ḳhud hogī raqam bāzū-e-par kī tārīḳh

'mīr'-o-'ġhālib' jinheñ kahtā hai zamāna 'shāhid'
un ke har sher meñ hai fikr-o-nazar kī tārīḳh

roz dohrā.eñge jab shām-o-sahar kī tārīḳh
kaise badlegī bhalā aap ke ghar kī tārīḳh

laakh be-yār-o-madadgār phire sāhil par
qaid rahtī hai sadaf meñ hī guhar kī tārīḳh

apnī tārīḳh pe is darja bharosā haiñ hameñ
ham na dekheñge idhar aur udhar kī tārīḳh

adhūre sāyoñ ke ġhol
tārīḳh ke āsebī chhakḌe ko

bachchoñ ko to is tarah jalte nahīñ dekhā thā
tārīḳh meñ kuchh aisī tahrīr nahīñ miltī