Tags-Holi

fasl-e-bahār aa.ī hai holī ke ruup meñ
sola-siñghār laa.ī hai holī ke ruup meñ

sunte haiñ ab un galiyoñ meñ phuul sharāre khilte haiñ
ḳhuun kī holī khel rahī haiñ rañg nahātī do-pahreñ

pichkārī agar ḳhāma hai to rañg siyāhī
rañgīnī-e-mazmūñ se mire dañg hai holī

niklā mah-e-naḳhshab ki girā chaah meñ yūsuf
yā hauz ke andar mah-e-gul-rañg hai holī

sau baar jalātā huuñ maiñ ik aah se dam meñ
aa kar mire vīrāne meñ kyā tañg hai holī

ham ḳhaak uḌāte haiñ dholenDī hai yahāñ par
ham tak nahīñ aatī kabhī kyā lañg hai holī

ai 'mehr' tire gird haiñ mah-rū kiye tasvīr
fānūs-e-ḳhayālī hai ki arzhañg hai holī

aa.ī hai jo furqat meñ mirā ḳhuun karegī
ye bhī tire aane kā koī Dhañg hai holī

har but evaz-e-qumquma dil maañg rahā hai
is saal kī vallāh ki be-rañg hai holī

saaqī hai na mai hai na daf-o-chañg hai holī
kyā haal hai imsāl ye kyā rañg hai holī

ye ruup jhamaktā dikhlāyā ye rañg dikhāyā holī ne

hai har dam nāchne gaane kā ye taar bañdhāyā holī ne

dil shaad kiyā aur moh liyā ye, jauban paayā holī ne

yā svāñg kahūñ yā rañg kahūñ yā husn batā.ūñ holī kā
sab abran tan par jhamak rahā aur kesar kā māthe Tiikā

bāzār galī aur kūchoñ meñ ġhul-shor machāyā holī ne

ye taur ye naqshā ishrat kā har aan banāyā holī ne

aa dhamke aish o tarab kyā kyā jab husn dikhāyā holī ne
har aan ḳhushī kī dhuum huī yuuñ lutf jatāyā holī ne

rañg rañgīlī holī
chhail chhabelī holī

holī jab bhī aa.e
pyaar kī ḳhushiyāñ laa.e

ye holī us ne jo khelī hai ātish-o-ḳhūñ kī
safīr-e-amn bhī shashdar hai kyā kiyā jaa.e