Tags-Hunar

pagḌiyāñ qadmoñ meñ rakhne kā hunar siikh ga.e
ham vahī haiñ jo sar-e-dār huā karte the

dikhā.ī detā thā muḳhtār dast-o-bāzū se
magar vo shaḳhs kisī be-hunar kī qaid meñ thā

ye nagīñ bhī na ho bas mo.ajaza-e-tār-e-nazar
ye hunar shīsha-o-almās kā dhokā hī na ho

gum-shuda rāstoñ kā pata haath meñ, biitī yādoñ kā basta liye saath meñ
maiñ ne sahrā ko apnā ta.āruf kiyā aur qalam apnā dast-e-hunar kar liyā

us kī muTThī meñ javāhir the nazar merī taraf
aur mujhe pairāya-e-arz-e-hunar aatā na thā

be-ḳhabar sā thā magar sab kī ḳhabar rakhtā thā
chāhe jaane ke sabhī aib-o-hunar rakhtā thā

sikhā diyā hai mujhe ġham ne zindagī kā hunar
kisī bhī haal meñ ab aañkh tar nahīñ kartā

qsimat-e-shā.ir-e-sīmāb-sifat dasht kī maut
qīmat-e-reza-e-almās-e-hunar sannāTā

sab qarīne usī dildār ke rakh dete haiñ
ham ġhazal meñ bhī hunar yaar ke rakh dete haiñ

ash.ār kī taḳhlīq meñ jaltā hai jigar kyuuñ
yārab mujhe baḳhshā hai ye jāñ-soz hunar kyuuñ

terā ḳhayāl māne-e-arz-e-hunar huā
kis kis tarah se jī ko jalāte rahe haiñ ham

rafta rafta hosh mujh ko is qadar aa jā.egā
āñsuoñ ko giit likhne kā hunar aa jā.egā

mire vajūd ko paikar kī hai talāsh abhī
maiñ ḳhaak huuñ hunar-e-kuzah-gar ke hote hue

hunar-mandoñ ko tere haath se hai zindagī mushkil
jo tujh meñ bhī koī ai dil hunar hotā to kyā hotā

ye dasht-e-zīst aur ye ḳhārā-tarāshiyāñ
jalve hunar ke sīna-e-āzar meñ rah ga.e

'iram' ne sheroñ se sab ko asiir aise kiyā
ki jaise jaadū maiñ apne hunar meñ rakhtī huuñ

mujhe to pyaar hai un se jo kaam aate haiñ auroñ ke
faqat daulat kamāne kā hunar achchhā nahīñ lagtā

maiñ huuñ apne hunar pe vārafta
yā huuñ qātil tirī sifāt kā maiñ

sab log sach hai bā-hunar the phir bhī kāmyāb
ye kaisā ittifāq thā akasr vahī rahā

dho ke tū merā lahū apne hunar ko na chhupā
ki ye surḳhī tirī shamshīr kā jauhar hī to hai