Collections

Lab Shayari

Motivational Ghazals

Best Khamoshi Shayari

More Collections

Tags-Hunar

rāt-din sunte haiñ tasvīlāt-e-arbāb-e-hasad
ehtiyāj-e-dushmanāñ bhī hai hunar ko be-gumāñ

fath kitni KHub-surat hai magar kitni garan

kyuuñ mujhe ash.ār kahne kā hunar us ne diyā
mujh se mere dukh agar tahrīr ho sakte nahīñ

rang to maujud ki taswir ho sakte nahin

ilm-o-hunar sadāqat-o-mehr-o-vafā ḳhulūs
bāzār meñ kisī kī bhī qīmat nahīñ rahī

chehre pe mere ab wo raunat nahin rahi

dard ko darmāñ banāne kā hunar rakhtā thā vo
oḌh kar jo vaqt kī ḳhush-rañg chādar so gayā

god mein zarraat ki sar apna rakh kar so gaya

lo ab to ham bhī havāoñ ke saath chalne lage
hamārā naam bhī ahl-e-hunar meñ rakkhā jaa.e

ghar apna wadi-e-barq-o-sharar mein rakkha jae

'sājid' aaj hunar hai us ke saa.e meñ
lekin kal fankār hunar kī oT meñ thā

kis ne di aawaz sipar ki oT mein tha

ḳhulūs rakhte haiñ lekin jhukā nahīñ karte
anā kā rañg bhī thoḌā hunar meñ rakhte haiñ

kisi ke dida-e-tar ko nazar mein rakhte hain

mire suḳhan pe tū dād-e-suḳhan nahīñ detā
tirī taraf mirā qarz-e-hunar nikaltā hai

dilon se dard dua se asar nikalta hai

be-hunar honā bhī hai maut kī sūrat ai dost
zinda rahne ke liye koī hunar DhūñDte haiñ

zindagi shab ke jaziron se udhar DhunDte hain

payambaroñ kī tarah se jiyo zamāne meñ
payām-e-shauq bano daulat-e-hunar kī tarah

farogh-e-dida-o-dil lala-e-sahar ki tarah

hamāre aib meñ jis se madad mile ham ko
hameñ hai āj-kal aise kisī hunar kī talāsh

pahunch gae to karenge idhar-udhar ki talash

kisī bahr-e-muhīt-e-be-karāñ kī aarzū meñ hai
ye tūfānoñ kī maujoñ meñ sañvarne kā hunar terā

riwaq-e-kahkashan se bhi ho aage tak guzar tera

bhuul jā.egā koī mujh ko bujhāne kā hunar
sub.h bhī aa.ī to shab bhar se jalī rah jā.ūñgī

Khaali hathon mein mohabbat banTti rah jaungi

zamīñ ko rū-kash-e-aflāk kar diyā jis ne
hunar thā kis kā agar vo hunar na thā merā

badan se rishta-e-jaan motabar na tha mera

ab us ke ba.ad mukammal hai dāstān-e-hunar
idhar-udhar meñ biThāyā hai darmiyāñ sā kuchh

bujhai aag to raushan hua dhuan sa kuchh

agar palak pe hai motī to ye nahīñ kaafī
hunar bhī chāhiye alfāz meñ pirone kā

agar palak pe hai moti to ye nahin kafi

nayā hunar siikh fī-zamāna ho jis kī vaq.at
suḳhan kī nisbat se ab koī pūchhtā nahīñ hai

udas bas aadatan hun kuchh bhi hua nahin hai

dushvār thā kuchh maiñ bhī zamāne ke hunar par
kuchh duur rakhā vaqt ne mujh ko mire fan se

aazad nahin zehn abhi fikr-e-badan se

har bazm kyuuñ numā.ish-e-zaḳhm-e-hunar bane
har bhed apne dostoñ ke darmiyāñ na khol

har bazm kyun numaish-e-zaKHm-e-hunar bane

hamāre aib ne be-aib kar diyā ham ko
yahī hunar hai ki koī hunar nahīñ aatā

misal-e-tar-e-nazar kya nazar nahin aata