Tags-Hunar

jise kasād samajhte haiñ tājirān-e-farañg
vo shai mata-e-hunar ke sivā kuchh aur nahīñ

mirī aarzū koī ḳhvāb thā so maiñ rat-jagoñ se ulajh paḌā
mirī āfiyat thī ḳhumār meñ mujhe jāgne meñ hunar rahā

vo daur qarīb aa rahā hai
jab dād-e-hunar na mil sakegī

thā us ke dast-e-hunar meñ bhī āzarī kā kamāl
magar vo apnā hī but nā-tarāsh chhoḌ gayā

be-hunar shohratoñ ke jañgal meñ
sañg bhī āftāb jaisā hai

ye tamāshā-e-ilm-o-hunar dosto
kuchh nahīñ hai faqat kāġhzī vahm hai

dasht-o-sahrā se guzarne kā hunar ma.alūm hai
kaaT de koī hamāre paañv kī zanjīr ko

jo ruuh meñ na utar jaa.e vo jamāl nahīñ
jo dil-gudāz na kar de use hunar na samajh

tarāshtī hī rahīñ us kī uñgliyāñ mujh ko
mirā vajūd kisī ke hunar meñ rakkhā gayā

mahloñ ke sunahrī pardoñ meñ har aib hunar ban jaatā hai
lekin in daulat-mandoñ ko jhuTlāne kī jur.at kaun kare

ik junūñ kahiye use jo mire sar se niklā
varna matlab na koī arz-e-hunar se niklā

huā kāġhaz musavvar ek paiġhām-e-zabānī se
suḳhan tasvīr tak pahuñchā hunar purkār tak aayā

ḳhūbān-e-jahāñ hoñ jis se tasḳhīr
aisā koī ham ne hunar na dekhā

ilm-o-hunar kā markaz hai aur shahr hai 'jaun'-o-'nāsir' kā
jab tak chāñd sitāre chamkeñ amroha ābād rahe

ilm-o-hunar se qaum ko raġhbat nahīñ rahī
is par shikāyateñ ki fazīlat nahīñ rahī

zamāne terī hunar-kosh razm ke hāthoñ
maiñ luT chukā thā magar shā.erī bachī huī thī

tirā dil nahīñ tire haath meñ mujhe dekh maiñ huuñ girafta-dil
mirā jabr merī najāt hai ye mire hunar kā kamāl hai

zinda bachā to maut ko jaanā qarīb se
kyā kyā hunar sikhā.e merī zindagī mujhe

masnūa ko sān.e.a se judā kar nahīñ saktā
ā.īne meñ aks-e-hunar-e-ā.ina-gar hai

be-dard hai insāñ to haiñ sab is ke hunar aib
hai dil meñ agar dard to har aib hunar hai