Tags-Hunar

hisāb-e-sūd-o-ziyāñ ho chukā bahut ab ke
vufūr-e-shauq ko arz-e-hunar banāyā jaa.e

ḳhushbū ke pairahan se ujāle ke jism tak
maiñ huuñ to phir salīqa-e-arz-e-hunar bhī hai

gūñdhte vo khajūr se juuTe aaj
haath apne jo kuchh hunar rakhte

safī' ko shā.irī se mil ga.ī har-dil-azīzī bhī
daroġh-e-maslahat-āmez bhī hai kyā hunar dekho

suḳhan mirā kaif-e-dil hai 'nātiq' vo qadr karte haiñ jo ho āshiq
nahīñ hai ye falsafa kitābī ye iktisābī hunar nahīñ hai

shahīd-e-nāz ġhazab ke hunar-varāñ nikle
lahū ke chhīñToñ se apnā kafan banāte haiñ

dayār-e-fikr-o-hunar ko nikhārne vaalā
kahāñ gayā mirī duniyā sañvārne vaalā

kāġhaz harī zamīñ kā nahīñ dekhtā ki shāyad
pahuñche na is hunar se us ko haman kī paatī

yārab tirā kamāl-e-hunar ham pe ḳhatm hai
yā sirf mashq-e-nāz kā ik tajraba haiñ ham

hisār-e-lafz-o-bayāñ meñ na rah sakā 'nāmī'
ki āshnā thā maqām-e-hunar se pahle bhī

qassam-e-azal ne na rakhā ham ko bhī mahrūm
garche na diyā koī hunar be-hunarī dī

vo be-hunar huuñ ki hai zindagī vabāl mujhe
kamāl gar nahīñ detā to de zavāl mujhe

hairat kī dhuup se bhī na pighle vajūd-e-barf
rabb-e-kamāl mujh ko hunar be-misāl de

jaise dariyā meñ guhar boltā hai
saat pardoñ meñ hunar boltā hai

ham kahīñ jaa.eñ banā leñge jagah apne liye
ham ko aatā hai hunar dil meñ utar jaane kā

TuuT kar girtī hai uupar mire chaTTān ki hai
bai.at-e-sañg mire dast-e-hunar par koī

ilm-o-hunar mile haiñ magar tere sāmne
pahle bhī be-hunar the 'aman' ab bhī be-hunar

ye daur-e-ilm-o-hunar is ko paḌh nahīñ paayā
sahīfa dil kā mirā jaane kis zabān meñ thā

qarya-e-girya meñ mirā girya hunar-varāna hai
yaañ se kahīñ Talūñgā maiñ dād-e-hunar liye baġhair

hunar hāthoñ se chikne kā bachā kar le gayā mujh ko
bharose paañv ke rahtā to maiñ ma.azūr ho jaatā