Tags-Hunar

ye qāfiya baḌī diqqat ke saath nazm huā
baḌe hunar se ye aurat mrs 'jamālī' huī

raah se aañkh milāne kā hunar jaan gayā
vaqt to sarf huā ḳhaak uḌāne meñ mirā

ashk-e-ġham pī pī ke apne shahr meñ
muskurānā bhī hunar hai dosto

ye zabt-e-vaz.a naam 'qalaq' qissa muḳhtasar
shā.ir ho har tarah hai tumhārā hunar daroġh

koī nahīñ hai mujh ko hunar rozgār kā
juz ḳhāksār midhat-e-sarkār kyā kare

nā-qadrī-e-arbāb-e-hunar aaj hai lekin
kal ban ke sanad saarī kitāboñ meñ mileñge

maiñ bhī kuchh apne hunar kā to dikhā.ūñ jalva
jashn-e-nauroz batā shahr meñ kab hai sā.īñ

yuuñ banā dete the jaise sher ho jaate haiñ ab
harf-e-kun kā bhī kabhī dast-e-hunar hote the ham

nahīñ ma.alūm jiine kā hunar kaisā rakhā hai
hameñ hālāt ne jaise rakhā zinda rakhā hai

ham 'ziyā' sar ko bachā.eñ to bachā.eñ kaise
us kā har vaar numāyāñ hai hunar kī sūrat

dāġh-e-dil dīda-e-tar vahshat-e-jāñ tanhā.ī
un ko kyā vo to faqat arz-e-hunar dekhte haiñ

ab to ahl-e-hunar ek hī rāsta aap aisoñ kī ḳhātir khulā hai abhī
har atā-e-zamāñ par tashakkur kareñ har jafā-e-jahāñ kā tahammul kareñ

'asar' ke paas to kuchh bhī nahīñ hunar ke sivā
tū be-hunar hai to sarmāya-e-hunar le jā

naḳhchīr huuñ maiñ kashmakash-e-fikr-o-nazar kā
haq mujh se adā ho na dar-o-bast-e-hunar kā

kis dilerī se kare hai tū fidā jaan us par
dil-e-jāñ-bāz tirā ham bhī hunar dekheñ to

zindagī dī hai to jiine kā hunar bhī denā
paañv baḳhsheñ haiñ to taufīq-e-safar bhī denā

vo jis ko shā.erī kahte haiñ 'āzim'
maiñ ghāyal us hunar kā ho gayā huuñ

guzar ke had se har ik shai bar-aks hotī hai
kamāl-e-aib-e-hunar ke sivā kuchh aur nahīñ

nigāh laao jo rañg-e-sadā kashīd kare
ki maiñ to ḳhāmoshiyoñ ke hunar sunātā huuñ

ham sar-e-chāk-e-vafā haiñ aur tirā dast-e-hunar
jo banā degā hameñ ai yaar ban jā.eñge ham