Tags-Husn

kashish se husn kī chandā meñ uThe madd-o-jazr
kisī ko saañs chaḌhā sab kī saañs phuul ga.ī

jhukā ke nazreñ koī bolā iltimās-e-duā
uThā ke haath vo ḳhairāt-e-husn dene lagī

kisī ke husn ko bin māñge baaj dete haiñ
vazīr miir sipāhī faqīh zauq-e-shahī

atā-e-husn thī 'qais' ik jhalak meñ shoḳh ġhazal
kitāb likhtā maiñ us par magar vo phir na milī

na jaane pahlī nazar kyuuñ halāl hotī hai
kisī ke husn pe pahlī nazar hī mahñgī paḌī

jalva-e-qudrat kā shāhid husn-e-fitrat kā gavāh
maah kā dil mehr-e-ālam-tāb kā nūr-e-nigāh

tālib kī aañkh kartī hai ḳhīra shuā-e-husn
parda hai us kā naam ye be-pardagī nahīñ

āshiq ke dam se husn kī duniyā ko hai faroġh
bulbul nahīñ to raunaq-e-gulzār hī nahīñ

har bul-havas ne husn-parastī shi.ār kī
ab ābrū-e-sheva-e-ahl-e-nazar ga.ī

hech hai har chiiz zevar ġhāza afshāñ rañg o ḳhaal
husn ḳhud apnī jagah hai sau kamāloñ kā kamāl

jis jagah hūrān-e-jannat kā kiyā hai tazkira
kyā kahā hai aur bhī kuchh ham ne juz husn o hayā

duur hī se aise ilm-e-jahl-parvar ko salām
husn-e-nisvāñ ko banā detā ho jo jāgīr-e-ām

husn ho jā.egā jab auroñ kā vaqf-e-ḳhās-o-ām
dīdanī hogā tire ḳhalvat-kade kā ehtimām

husn kā āġhosh-e-rañgīñ dil-fareb-o-dilrubā
ilm se ban jaa.e aqlīdas kā mahz ik dā.era!

hai ishq uu ḳhudā kā gar ishq hai javāñ meñ
hai husn uu usī kā gar husn hai mahan meñ

mire mātam kī kyā jaldī hai kyuuñ zevar baḌhāte haiñ
abhī ārāsta vo husn kā bāzār rahne deñ

dil se apne pūchh o zindāni-e-ilm-e-kitāb
husn-e-qudarat ko bhī dekhā hai bar-afganda-naqāb

us husn se kuchh hastī meñ tirī azdād hue the aa ke baham
ik ḳhvāb-o-haqīqat kā sañgam miTTī pe qadam nazroñ meñ iram

tol lete haiñ sadā nazroñ meñ jins-e-husn ko
palla-e-mīzāñ mirī ai yaar āñkheñ ho ga.iiñ

husn-e-jahāñ-faroz se jis jā na the vo but
maiñ be-nishāniyoñ se jahāñ thā vahāñ na thā