Tags-Husn

har varaq dīvān-e-dil kā naqsh-e-mānī hai 'bahār'
nok-e-mizhgāñ dekhiye kyā husn-kārī kar ga.ī

shahīd-e-kaif-e-tamannā hai āshiq-e-betāb
bahār-e-husn-e-safā ham-navā bane na bane

hamārā husn-e-ta.alluq vafā bane na bane
vo ishva-sanj hai farruḳh-liqā bane na bane

ishq gore husn kā āshiq ke dil ko de jalā
sāñvloñ ke āshiqoñ kā dil hai kaalā ko.elā

ishq aur husn mileñ mil ke ḳhudā ban jaa.eñ
gar havas tafraqa-andāz na hone paa.e

kuchh husn o ishq meñ farq nahīñ hai bhī to faqat rusvā.ī kā
tum ho ki gavārā kar na sake ham haiñ ki gavārā karte haiñ

poñchho na araq ruḳhsāroñ se rañgīnī-e-husn ko baḌhne do
sunte haiñ ki shabnam ke qatre phūloñ ko nikhārā karte haiñ

bāvajūd-e-fishār-e-shab hama-shab
husn har sub.h taaza hotā hai

vahī dil hai jo husn-o-ishq kā kāshāna ho jaa.e
vo sar hai jo kisī kī teġh kā nazrāna ho jaa.e

dil kis ke tasavvur meñ jaane rātoñ ko pareshāñ hotā hai
ye husn-e-talab kī baat nahīñ hotā hai mirī jaañ hotā hai

qusūr hai ishrat-e-guzishta kā husn-e-tāsīr allāh allāh
vahī fazā.eñ vahī havā.eñ chaman se kuchh kam qafas nahīñ hai

husn har haal meñ hai husn parāganda naqāb
koī parda hai na chilman ye koī kyā jaane

na jhamkeñ kis tarah kānoñ meñ us ke husn ke jhumke
idhar bundā udhar jhumkā idhar bijlī kā baalā hai

khule bāloñ se muñh kī raushnī phūTī nikaltī hai
tumhārā husn to sāhab añdhere kā ujālā hai

dekhne vāloñ kī ik bhiiḌ rahā kartī thī
uf re vo husn tirā haa.e vo sūrat terī

tum to masrūf rahe husn kī ārā.ish meñ
ham ne ā.īne meñ kal ik sitam-ārā dekhā

baḌhā na dast-e-talab nazr-e-nāz dil kar ke
nigāh-e-husn meñ apnā vaqār paidā kar

mizāj-e-husn meñ yārab tū pyaar paidā kar
nahīñ to phir mire dil meñ qarār paidā kar

havā rukī to ajab husn thā magar 'shahbāz'
girā ga.ī hai ka.ī sūkhe paat chalte hue

ātish-e-ishq ne jo sar khīñchā
husn ke dūdmān tak pahuñchī