Tags-Husn

apne hī husn kā akkās hai husn
aa.ina ā.ina-rū meñ gum hai

sāqī-e-bazm-e-roz-e-azal ne bāda-e-husn bharā hai is meñ
āñkheñ haiñ sāġhar shīsha hai gardan māshā-allāh māshā-allāh

gul ruḳh-e-nāzuk zulf hai sumbul aañkh hai nargis seb-e-zanaḳhdāñ
husn se tum ho ġhairat-e-gulshan māshā-allāh māshā-allāh

manzil-e-husn ḳhud qadam legī
ishq ko rad-ba-rāh hone do

husn se rasm-o-rāh hone do
zindagī ko tabāh hone do

zer-e-qabā jo husn hai, vo husn hai ḳhudā
band-e-qabā jo khol rahā hai, ye ishq hai

maiñ dīn-e-ishq meñ tauhīd kā jo qaa.il huuñ
to mo.ajaza ye tire husn-e-be-panāh kā hai

jal gayā tuur ġhash hue muusā
jab tirā husn be-naqāb huā

tere suḳhan-e-saḳht meñ hai husn-e-nazākat
kānoñ ko huī pamba-e-mahtāb kaḌī baat

tū dilbar hai dil-dār hai tū tū jān-o-dil se pyārā hai
fitrat ne jis ko sañvārā hai tujhe husn sarāpā kahte haiñ

ab tū jo chāhe kare ishq-e-vatan meñ ai 'shauq'
husn kuchh bol nahīñ saktā hai de kar saurāj

husn kī jitnī zamīñ hotī hai nā-qābil-e-kāsht
ishq paidā kiyā kartā hai sadā sab meñ anaaj

husn-e-maġhrūr o siyah-fām kā kaise ho ilaaj
shakl-o-sūrat to chuḌeloñ kī hai pariyoñ ke mizāj

ā.īna le ke dekh zarā apne husn ko
aa.egī ye bahār-e-gulistāñ ḳhizāñ meñ yaad

baiThā thā kahīñ husn-e-numā.ish-gah-e-ġham meñ
ruj.hān zarā shohrat-e-arzāñ kī taraf thā

tumhāre husn se insāf karne kā taqāzā hai
tumheñ dekheñ ziyāda se ziyāda dekhne vaale

yādoñ se bach nikalne kā rasta nahīñ milā
masjid se le ke husn ke bāzār tak chale

kuchh rabt husn-e-yār kī tāza-garī se ho
āñkhoñ se ho ke silsila iz.hār tak chale

tum ne to apne husn ko mahfūz kar liyā
ham kis ke saath umr-e-mohabbat basar kareñ

fitrat har e'tibār se hai ham-navā-e-husn
āmīn tum ko to duā.eñ asar kareñ