Tags-Husn

gurez-pā thā bahut husn-pāra-e-hastī
so arsa umr kā zanjīr Dālne meñ gayā

tirā husn asiir na kar sakā na maiñ tere vāste mar sakā
kahīñ merā saath mire ḳhudā ne diyā na ho kahīñ yuuñ na ho

ishq jab zamzama-pairā hogā
husn ḳhud mahv-e-tamāshā hogā

kaise mumkin hai bhalā chāñd na dekhe koī
husn kāmil ho to phir ḳhud hī nazar khīñchtā hai

shoḳhī-e-husn ne chhoḌī na koī rāh-e-farār
ek hī saañs meñ inzār bhī tabshīr bhī hai

husn kī bijliyāñ al-amāñ al-amāñ
ishq kī garmiyāñ jāvedāñ jāvedāñ

dekhne vaale taġhāful kār-farmā hai abhī
vo darīcha khul gayā husn-e-nazar khultā nahīñ

thā musta.ār husn se us ke jo nuur thā
ḳhurshīd meñ bhī us hī kā zarra zuhūr thā

ḳhud husn kā me.aar nirā zauq-e-nazar haiñ
utne hī hasīñ aap haiñ jitne mujhe pyāre

be-vaj.h nahīñ husn kī tanvīr meñ tābish
vo dete haiñ ḳhākistar-e-ulfat ke sharāre

vo husn aaj bhī hīla-garī meñ yaktā hai
dil-e-ġharīb sunegā kahāniyāñ kyā kyā

kar ab tū fikr husn-e-amal kuuch hai qarīb
rasta kaThin hai saath meñ kuchh zād-e-rāh ho

'munīr' itnā husn us zamāne meñ thā
kahāñ us ko koī balā le ga.ī

husn ho ḳhair ho sadāqat ho
sab pe un kī ijāra-dārī hai

ye husn-e-sitam-kosh sitam-kosh hai kab tak
kab tak ye nazar bānī-e-bedād rahegī

havas kī baaḌh har ik bāñdh toḌnā chāhe
nazar kā husn magar intiḳhāb māñge hai

tamtamā uThe vo aariz mere arz-e-shauq par
husn jaag uThā vahīñ jab ishq ne fariyād kī

ab yahī hai vaj.h-e-taskīñ ḳhātir-e-nāshād kī
zindagī maiñ ne dayār-e-husn meñ barbād kī

mire afkār meñ bālīdgī hai husn-e-qismat kab
tere hoñToñ pe ai shā.ir hadīs-e-dil-barāñ kab tak

zarā zaḳhmoñ pe dil ke aur thoḌī sī namak-pāshī
nikhartā hī nahīñ dekheñ ye husn-e-gulsitāñ kab tak