Tags-Husn

kyā dil-fareb hai tire ḳhvāb-e-girāñ kā husn
tujh se nihāñ tire lab-o-ruḳhsār dekhnā

har zarre meñ bas ek hī zarra nazar aa.e
gar chashm-e-tamāshā ko mile husn-e-nazar aur

ishq kī kār-gāh se husn kī bārgāh se
jis ko na aur kuchh milā is ne qazā ḳharīd lī

ġhazal kā husn hai aur giit kā shabāb hai vo
nasha hai jis meñ suḳhan kā vahī sharāb hai vo

nahīñ til dharne kī jāgah jo ba-afzūnī-e-husn
dekhā shab us ko to ik ḳhaal ba-ruḳhsār na thā

kaun thā kis ne yahāñ dhuup ke bādal barsā.e
aur tire husn kī chāñdī ko nikharne na diyā

barhamī husn ko kuchh aur jilā detī hai
vo jamālī terā chehra vo jalālī āñkheñ

husn kī tābāniyāñ merā muqaddar ban ga.iiñ
chāñd meñ chamkā kabhī ḳhurshīd meñ Dhaltā rahā

dilbarī husn kā sheva hai magar kyā kiije
ab ye lāzim to nahīñ husn vafādār bhī ho

thā 'zauq' pahle dehlī meñ punjab kā sā husn
par ab vo paanī kahte haiñ multān bah gayā

dil kyūñke raast aave da.avā-e-āshnā.ī
dariyā-e-husn vo mah-e-kashtī-ba-kaf gadā tū

niyāz-mandī ko ehsās dekhnā ye hai
mizāj-e-husn kī āshuftagī kahāñ tak hai

duniyā
maiñ apnā saarā husn

ye maanā jannat-e-husn-e-nazar thī zindagī apnī
magar ḳhamyāza-e-umr-e-ravāñ kuchh aur kahtā hai

pai-ba-pai aa.e sajal tāroñ ke mānind ḳhayāl
merī tanhā.ī pe shab husn jhamā-jham barsā

husn kī qadr hai hameñ ma.alūm
shā.iroñ meñ shumār haiñ ham log

be-ta.alluq tire aage se guzar jaatā hai
ye bhī ik husn-e-talab hai tire dīvāne kā

husn-e-qadīm kī ik poshīda ye jhalak thī
le aa.ī jis ko qudrat ḳhalvat se anjuman meñ

har ek zarre meñ har fazā meñ vo husn ban kar samā rahe haiñ
hamārī tāb-e-nigāh ko vo har ā.īna aazmā rahe haiñ

husn kī dilkashī pe naaz na kar
aa.ine bad-nazar bhī hote haiñ