Tags-Husn

kyuuñ na ho qurbān sham-e-husn ke jalvoñ pe dil
apne jalvoñ se hai nā-vāqif ye parvāna abhī

kahāñ se lā.egā vo qais-o-lailā kā bharam ai dil
ye maanā tū ne husn-o-ishq kī tasvīr dekhī hai

chāñd ke husn pe har shaḳhs kā haq hai 'mansūr'
maiñ use kaise kahūñ raat ko niklā na kare

husn thā mast-e-azal jām-e-anā lailā se
tan kī uryānī se majnūñ koī uryāñ na huā

karte the apne husn kī tārīf gul-ruḳhāñ
us lāla-rū ko dekh ke ḳhāmosh ho ga.e

sunñe ko husn-e-yār kī ḳhūbī ba-rañg-e-gul
a.azā mire badan ke sabhī gosh ho ga.e

tum ko ai āñkho kahāñ rakhtā maiñ kunj-e-ḳhvāb meñ
husn thā aur husn tanhā dekhne kī chiiz thī

tausīf-e-husn asl meñ hai vasf-e-husn-e-sāz
bandoñ se jis ko pyaar hai yād-e-ḳhudā meñ hai

aur kis tarah kareñ husn-e-ḳhudā-dād kā shukr
sher likhne lageñ tasvīr banāne lag jaa.eñ

husn sab husn-e-tabī.at pe hai mauqūf 'nadīm'
yā kahīñ husn-e-tabī.at ke sivā bhī kuchh hai

ġhurūr-e-husn ko bātil samajh kar
sarāpā ishq ban jaayā kareñge

vahī dāġh-e-lāla kī baat hai ki ba-nām-e-husn udhar ga.ī
koī kyā kahe ki kahāñ kahāñ tire ḳhāl-e-ruḳh kī ḳhabar ga.ī

valvale dil meñ to āñkhoñ meñ umañgeñ raushan
haiñ sabhī chehre yahāñ husn-e-amal ke darpan

abhī naqāb-kushā.ī-e-husn hai dushvār
vahī uThe hue parde uThā rahā hai koī

rañg kyā kyā na bhare husn-e-nazar ne lekin
terī tasvīr mukammal tire aane se huī

zamīñ pe lāla-o-gul āsmāñ pe maah o nujūm
nigāh-e-hsun-e-nigāh ke liye kamī kyā hai

jān-e-man ma.arifat us husn kī āsān nahīñ
daad kyā chāhte ho tum kisī begāne se

husn-e-ma.anī ke jo shaidā haiñ udhar kyā dekheñ
sūrat-e-ābād jahāñ kam nahīñ vīrāne se