Tags-Husn

tū asīr-e-ābrū-e-sheva-e-pindār-e-husn
maiñ giraftār-e-nigāh-e-zindagī-e-muḳhtasar

vaqt ke andhe kuñ.eñ meñ pal rahī hai zindagī
ai mire husn-e-taḳhyyul baam se nīche utar

ye tavajjoh bhī tirī husn-e-gurezāñ kī tarah
ye taġhāful bhī mirī hausla-afzā.ī hai

mirī dastaras meñ hai gar qalam mujhe husn-e-fikr-o-ḳhayāl de
mujhe shahryār-e-suḳhan banā aur enān-e-shahr-e-kamāl de

khulī āñkhoñ se huuñ husn-e-haqīqat dekhne vaalā
huī lekin na taufīq-e-dar-e-but-ḳhāna barsoñ se

usī ke husn pe detā hai jaan parvāna
nahīñ to sham ke sho.aloñ meñ dilkashī kyā hai

mus.haf-e-husn kī tafsīr liye baiThe haiñ
dil meñ ham aap kī tasvīr liye baiThe haiñ

firdaus-e-husn-o-ishq hai dāmān-e-lucknow
āñkhoñ meñ bas rahe haiñ ġhazālān-e-lucknow

farmāñ-ravā-e-husn ko hotā nahīñ faroġh
jab tak na ishq us kā mudār-ul-mahām ho

hazāroñ rañgīniyāñ bhī dekhīñ hazār jalve bhī ham ne dekhe
magar jo phir ġhaur kar ke dekhā to husn-e-mutlaq hijāb meñ hai

husn se haT ke mohabbat kī nazar jaa.e kahāñ
koī manzil na mile rāhguzar jaa.e kahāñ

javānī mehrbānī husn bhī achchhī musībat hai
use achchhā use bīmār bhī karte nahīñ bantā

ḳhulūs-e-nāz kī tauhīn bhī dekhī nahīñ jaatī
shu.ūr-e-husn ko bedār bhī karte nahīñ bantā

daad be-dād tujh sitam suuñ hai
bas-ki shahr-e-husn meñ qaazī na.iiñ

husn kī ḳhalvat-e-sāda bhī hai sad-bazm-tarāz
ishq mahfil meñ bhī hogā to akelā hogā

kaun samjhegā bhalā husn-e-gurezāñ kī adā
mere iisā ne mirā haal na pūchhā hogā

qashqa nahīñ peshānī pe us māh-jabīñ ke
allāh ne ye husn ke ḳhirman ko hai chāñkā

chaTkī huī ye husn-e-gurezāñ kī kalī hai
yā shiddat-e-jazbāt se khulte hue lab haiñ

husn-e-butāñ to ā.īna-e-husn-e-zāt hai
zāhid ko us meñ kufr-parastī nazar paḌī

ishq DhūñDe kahāniyāñ apnī
husn apnā bayāñ talāsh kare