Tags-Husn

vo husn kis qadar adab-āmoz thā 'zahīr'
qad ḳhāma-e-ravāñ thā to chehra kitāb thā

phuul ke husn pe sarmast haiñ murġhān-e-chaman
kis se afsāna kahe bulbul-e-nālāñ apnā

kyā husn kī bhiik bhī hotī hai jab chuTkī chuTkī juḌtī hai
ham ahl-e-ġharaz jāneñ is ko tum sāhab-e-daulat kyā jaano

dil apnā ā.īna se saaf ishq-e-pāk rakhtā hai
tamāshā dekhtā hai husn is meñ ḳhud-numā.ī kā

dikhāyā husn se e.ajāz-e-mūsī cilk-e-qudarat ne
yad-e-baizā banāyā chuur añgusht-e-hinā.ī kā

ik husn-e-mukammal hai to ik ishq-sarāpā
hoshyār sā ik shaḳhs hai dīvāna sā ik shaḳhs

guloñ ke chehre khile hue haiñ havā meñ ḳhush-bū mahak rahī hai
ye merī āñkhoñ ne ḳhvāb dekhā ki sail-e-husn-o-jamāl aayā

ushshāq bahut haiñ tire bīmār bahut haiñ
tujh husn-e-dil-ārām ke haqdār bahut haiñ

bāzī-e-ishq hai kitnī dilchasp
husn kī chaal vahī maat na.ī

ik to vo husn-e-junūñ-ḳhez hai aalam meñ shuhūd
aur ik husn-e-junūñ-ḳhez ko taktā huā maiñ

husn kyā jis ko kisī husn se ḳhatra na huā
kaun yūsuf hadaf-e-kaid-e-zulaiḳhā na huā

hazār rañg jalāl-o-jamāl ke dekhe
vo ma.arke tire husn-e-ḳhayāl ke dekhe

na pūchh mujh se tū us husn-e-dilrubā kī kashish
jidhar bhī dekhe vahāñ aa.ina nikal aa.e

toḌā hai us ne dil ko mire kitne husn se
āvāz bhī nahīñ koī jhankār bhī nahīñ

ġhurūr-e-husn se koī umiid mat karnā
ḳhatā.eñ karnā to ḳhud hī muaaf ho jaanā

usī ke husn kī parchhā.iyāñ haiñ pattoñ par
zamīñ ne bojh uThā.e hue usī ke haiñ

ā.īna dekhnā is husn pe āsān nahīñ
pesh-tar aañkh mirī merī nazar paidā kar

kasrat-e-husn kī ye shaan na dekhī na sunī
barq larzāñ hai koī garm-e-tamāshā kyā ho

husn-e-be-mehr ko parvā-e-tamannā kyā ho
jab ho aisā to ilāj-e-dil-e-shaidā kyā ho

dekheñ ham bhī jo tire husn-e-dil-ārā kī bahār
is meñ nuqsān tirā ai gul-e-rānā kyā ho