Tags-Husn

husn-e-ulfat ko samā.e hue siine meñ 'nisār'
dil meñ ik dard javāñ thā mujhe ma.alūm na thā

husn hī husn hai fitrat ke sanam-ḳhāne meñ
nuur hī nuur hai is ḳhaak ke kāshāne meñ

Thahre kab jañg-e-husn meñ ye shaiḳh
ek muddat ke ye bhagele haiñ

jise ḳhayāl se chhūte hue bhī Dartā huuñ
ik aisā husn bhī merī nazar meñ rahtā hai

rabt-o-zabt-e-bāhamī ke haa.e vo rāz-o-niyāz
āshiqāna husn thā aur ishq ma.ashūqāna thā

husn to hai ik tajallī sham-e-har-mahfil-sifat
vo to kah degā ye ik andāz-e-māshūqāna thā

rūnumā lekin muqaddar se huā vo ishq ke
jo talavvun husn kī fitrat meñ mahbūbāna thā

mere kufr-e-ishq meñ thī ek īmānī adā
us ke kāfir husn meñ ik ishva-e-turkāna thā

ne huur na insāñ na parī aur na farishta
jis husn o sabāhat meñ tirī gaat hai aur tū

sub.h-e-azal jo husn huā dilsitān-e-ishq
āvāz-e-kun huī tapish āmoz-e-jān-e-ishq

jab milā husn bhī harjā.ī to us bazm se ham
ishq-e-āvāra ko betāb uThā kar le aa.e

ġhurūr-e-husn ai nigār kab tak chaman ke uupar bahār kab tak
rahoge zeb-e-kanār kab tak ḳhizāñ har ik gul ko tak rahī hai

ai husn jab se raaz tirā pā ga.e haiñ ham
hastī se apnī aur qarīb aa ga.e haiñ ham

sahar huī na mire shahr-e-ārzū meñ kabhī
ki mehr-e-husn kī kirneñ pas-e-naqāb rahīñ

tum shāh-e-husn ho ke na pūchho faqīr se
aise bhare makān se ḳhālī gadā phire

ye paas hogā to tum sā talāsh kar lūñgā
chale to ho mirā husn-e-nazar na le jaanā

ai sabz-rañg mast-e-mai-e-ishq-o-husn to
afyūñ ko pūchhte nahīñ kyā zikr bhañg kā

sabhī shohde ikaTThā ho ga.e haiñ
yahāñ kyā husn kī manDī lagī hai

abr uTThā to subū yaad aayā
husn kā rañg-e-numū yaad aayā

husn kyā husn kī adā kyā hai
us ke jalvoñ kā dekhnā kyā hai