Tags-Husn

har shai se be-niyāz rahe jin meñ husn o ishq
ai zindagī batā ki vo lamhe kidhar ga.e

kyuuñ na kare dīvāna kisī ko sharm kī aadat husn kī shoḳhī
ho ga.e 'mā.il' dekh ke maa.il uThtā joban jhuktī nazar ham

husn-e-hayāt ke vo adā-āshnā ki jo
har qatl-gah ko misr kā bāzār kah ga.e

mere zaḳhmoñ kī qasam shor-e-mohabbat kī qasam
apne husn-e-namak-afshāñ kā namak to dekho

husn kī mehrbāniyāñ ishq ke haq meñ zahr haiñ
husn ke ijtināb tak ishq kī zindagī samajh

karo karam kī nigāhāñ taraf faqīroñ kī
nisāb-e-husn kī sāhab yahī zakāteñ haiñ

husn-e-tadbīr se taqdīr badal de apnī
jo hai hālāt se mansūb vo taqdīr na dekh

tū kisī husn-e-jahāñ-soz kī tasvīr na dekh
apne guzre hue hālāt kī tafsīr na dekh

thā jinheñ husn-parastī se hamesha inkār
vo bhī ab tālib-e-dīdār haiñ kin ke un ke

nit-na.e rañg se kartā rahā dil ko pāmāl
barbat-e-jāñ meñ samāyā huā ik husn-e-malāl

sulūk-e-husn-e-ta.alluq bane ye hañgāma
ki har taraf se burīda ramīda aayā thā

chhupā hai siina o ruḳh dil-sitāñ hāthoñ se karvaT meñ
mujhe sote meñ bhī vo husn se ġhāfil nahīñ miltā

ye husn o ishq hī kā kaam hai shubah kareñ kis par
mizāj un kā nahīñ miltā hamārā dil nahīñ miltā

koh sañgīn haqā.eq thā jahāñ
husn kā ḳhvāb tarāshā ham ne

ka.aba bhī ghar apnā hai sanam-ḳhāna bhī apnā
har husn kā jalva mirā īmān-e-nazar hai

husn kī jiit par 'fidā' haiñ sabhī
ishq ko ho ga.ī hai maat yahāñ

mumkin nahīñ thā husn o nazar kā muvāzana
mujh se to us ko Thiik se dekhā nahīñ gayā

husn ke manzar-e-saffāk nazar aate saaf
parda-e-ḳhvāb ko āñkhoñ se haTā denā thā

ye husn huur kā na parī kā jamāl hai
ḳhūbān-e-dahr meñ to adīm-ul-misāl hai

gul-e-vīrāna huuñ koī nahīñ hai qadr-dāñ merā
tū hī dekh ai mire ḳhallāq husn-e-rā.egāñ merā