Tags-Husn

phir ishq kī nazar meñ hai māshūqiyat kā naaz
phir husn-e-dil-navāz se shīr-o-shakar haiñ ham

dekh kar vo bāñkpan vo husn vo rañgīñ shabāb
dil kī hasrat ne bhī āḳhir lī vo añgḌā.ī ki bas

ye rañg chaar roza hai ra.anā.ī chaar roz
jo husn lā-zavāl karūñ to ġhazal kahūñ

badle na koī rañg tirā husn-e-ḳhamoshī
maiñ baat ke pahlū tire tevar se nikālūñ

husn kā ek vaar sah na sakā
Duub marne kī baat hai ai dil

tire ḳhatt-e-husn-e-jamāl ko mire harf-e-ā.ina-sāz ne
ka.ī rañg de diye pur-kashish magar ab bhī ek ḳhalā sā hai

rakh diyā maiñ ne dar-e-husn pe haarā huā ishq
aaj ke ba.ad mirī jaan tumhārā huā ishq

ye husn hai aah yā qayāmat ki ik bhabhūkā bhabhak rahā hai
falak pe sūraj bhī thartharā kar muñh us kā hairat se tak rahā hai

phailā huā hai husn-e-āriz-e-raushan naqāb meñ
kyā kyā taḌap rahī hai tajallī hijāb meñ

maiñ huuñ me.amār-e-zindagī ai 'kaif'
donoñ aalam ke husn mere haiñ

mas.ala ban ga.ī fikr tafhīm kā
lafz kā husn bhī rā.egāñ ho gayā

khul gayā daftar-e-sad-rañg mulāqātoñ kā
husn ke zikr pe kyā kyā na fasāne nikle

mai-kade meñ jo tire husn kā mazkūr huā
sañg-e-ġhairat se mirā shīsha-e-dil chuur huā

vo husn jise ham ne rusvā kiyā duniyā meñ
nādīda haqīqat hai nā-gufta kahānī hai

vo hai apne husn meñ yaktā
dekh kahāñ taqdīr laḌī hai

husn yuuñ ishq se nārāz hai ab
phuul ḳhushbū se ḳhafā ho jaise

husn-e-kam-qabā dariyā aur huā barahna-pā
naqsh aaj bhī dil par jañgaloñ ke manzar haiñ

ye husn-e-taġhazzul kā karishma nazar aayā
vo jān-e-ġhazal sher sarāpā nazar aayā

husn kī taqsīm meñ hī rah ga.ī koī kamī
DhūñDhtā hai dil jise vo shahr meñ sūrat nahīñ

'rāzī' jhuke the husn-e-chaman par ki ek din
shīrāze gul ke bikhre hue ḳhaak par mile