Tags-Husn

uf nikal jaatī hai ḳhatre hī kā mauqa kyuuñ na ho
husn se betāb ho jaanā mirī fitrat meñ hai

kyuuñ ho sakeñ jagat ke dilbar tire barābar
tū husn haur adā meñ ejaaz hai sarāpā

ab khulā hai ki tirā husn-e-taġhāful thā karam
garche kuchh der tabī.at mirī ghabrā.ī bhī

husn par hai ḳhūb-rūyāñ meñ vafā kī ḳhū nahīñ
phuul haiñ ye sab pa in phūloñ meñ hargiz bū nahīñ

husn hai ḳhūbī hai sab tujh meñ pa ik ulfat nahīñ
aur sab kuchh hai pa jo ham chāhte haiñ so nahīñ

vo husn-e-sarāpā vo husn-āfrīñ
magar har koī dekhtā rah gayā

husn-e-afsurda-dil-hā-rañgīñ
shauq ko pā-ba-hinā bāñdhte haiñ

koh sañgīn haqā.eq thā jahāñ
husn kā ḳhvāb tarāshā ham ne

apnī anā kī aaj bhī taskīn ham ne kī
jī bhar ke us ke husn kī tauhīn ham ne kī

sar-e-ham-sarī husn-o-nāz-o-adā meñ na rakhtā thā koī na rakkhegā koī
tirā aks-e-ā.īna hai aur tū hai jo laḌnā hai tujh ko to apne hī se laḌ

tujhe naaz husn par hai mujhe naaz ishq par hai
tirā husn chand-roza mirā ishq jāvedānī

aah is dānish-kade meñ kis qadar hai qaht-e-husn
jab se aayā huuñ yahāñ bazm-e-nazar vīrān hai

laakh tākīd husn kartā rahā
ishq se ḳhaak ehtiyāt huī

pīchhe tire ai shoḳh-nazar husn ke paikar
ik shaḳhs nahīñ saarā zamāna hī paḌā hai

ik sehr sā taarī thā 'zahīr' ahl-e-ḳhirad par
the mohr-ba-lab husn-e-dil-ārām ke aage

yādgār-e-ishq aisī chhoḌ jā.ūñgā 'sarosh'
husn hairānī se mujh ko dekhtā rah jā.egā

matn ko husn ke eraab atā ham ne kiye
ham se tashrīh talab jism kī āyāt kareñ

vahī hai fazl-e-ḳhudā se ab tak taraqqi-e-kār-e-husn o ulfat
na vo haiñ mashq-e-sitam meñ qāsir na ḳhūn-e-dil kī yahāñ kamī hai

ishq ke har sukūn-e-āḳhir ko
husn ke iztirāb ne maarā

vo zamīñ par qadam nahīñ rakhte
husn kā kyā ġhurūr hotā hai