Collections

Lab Shayari

Motivational Ghazals

Best Khamoshi Shayari

More Collections

Tags-Husn

ḳhayāl-e-aish kī parchhā.īñ se bhī dil laraztā hai
nigāh-e-husn ab kyuuñ mehrbāñ mālūm hotī hai

tere aate hi sab duniya jawan malum hoti hai

yuuñ husn-e-gulistāñ ko baḌhātā huuñ maiñ 'majīd'
har lamha nok-e-ḳhār pe chaltā rahā huuñ maiñ

zulm-o-sitam ki aag mein jalta raha hun main

husn achchhā hai mohammad kā kamāl achchhā hai
jo ḳhudā ko bhī hai pyārā vo jamāl achchhā hai

husn achchha hai mohammad ka kamal achchha hai

aayā qarīb 'kaif' koī mast-e-nāz-e-husn
Daalī nazar ġhulām kiyā aur guzar gayā

gham ne dilon ko ram kiya aur guzar gaya

kūcha-e-husn to gayā sālim
par ye dil TuuT kar hī aatā hai

dard-e-dil kaun aazmata hai

tujh husn ke baaġh meñ sirījan
ḳhurshīd gul-e-dopahriyā hai

tufan hai shaiKH qahriya hai

ishq hī phir palaT ke aa na sakā
husn-e-maġhrūr ne pukārā bhī

zindagi ka bana sahaara bhi

ne.amat thī tire husn kī hisse meñ hamāre
tū kān-e-malāhat thā ḳharīdār hamīñ the

KHwahan tere har rang mein ai yar hamin the

ḳhush huuñ ki husn-e-yār ne ḳhud apne haath se
ik dil-fareb dāġh-e-tamannā diyā mujhe

dil ko miTa ke dagh-e-tamanna diya mujhe

kabhī to husn kā sadqa nikālo
tumhāre paas ye daulat bahut hai

wo jis ke nam mein lazzat bahut hai

husn-e-ruḳhsār baḌhā ḳhat kī numūdārī se
zīnat-e-saf.ha huī jadval-e-zañgārī se

ruh tanha gai jannat ko subuk-sari se

gulshan-e-ālam meñ jab tashrīf laatī hai bahār
rañg-o-bū ke husn kyā kyā kuchh dikhātī hai bahār

bahaar

kyuuñ na Dhal jaa.e mere naġhmoñ meñ
kyuuñ tirā husn rā.egāñ guzre

talKH guzre ki shadman guzre

kyā raushnī-e-husn-e-sabīh anjuman meñ hai
fānūs meñ hai sham.a ki tan pairahan meñ hai

kya raushni-e-husn-e-sabih anjuman mein hai

mandiroñ ke sehn meñ sadiyoñ purānī ghanTiyāñ
deviyoñ ke husn ke kohna havāle shahr meñ

chandi wale, shishe wale, aankhon wale shahr mein

hai merī sādgī meñ husn aisā
tire dil meñ utarnā jāntī huuñ

jo gir jaun sambhalna jaanti hun

tumhāre husn kī jis dil ko raushnī na mile
ham aise dil ko charāġh-e-mazār kahte haiñ

jafa-e-yar ko hum lutf-e-yar kahte hain

ye zābta hai kahūñ dasht ko gulistāñ-zār
ḳhizāñ ke ruup ko likkhūñ faroġh-e-husn-e-bahār

zabta

kamāl-e-husn kahūñ aib ko jahālat ko
kabhī jagā.ūñ na soī huī adālat ko

zabta

lenī matā-e-husn hameñ is meñ tājiro!
nuqsān-e-jān-o-māl-e-dil-e-zār ho so ho

mukh-phaT munh pe khaenge talwar ho so ho