Tags-Husn

jhukā.e hai sar-e-taslīm māh-e-nau par vo
ġhurūr-e-husn se kis kā salām lete haiñ

jis ne tujh husn par nigāh kiyā
nūr-e-ḳhurshīd farsh-e-rāh kiyā

kyūñki tashbīh us se de 'bedār'
mah se tum husn meñ sivā.e ho

allāh allāh tire husn kī ik jhalak raushnī ho ga.ī az-zamīñ-tā-falak
ek bijlī sī lahrā.ī kuchh duur tak phir Thahar kar mire rū-ba-rū rah ga.ī

jis ne dekhā ho nazar bhar ke tirā husn-e-tamām
koī aisā bhī hai ai yaar tire kūche meñ

Dhal na jaa.e kahīñ ye husn-e-suḳhan ai 'anvar'
dil ye kahtā hai ki is zulf-e-girah-gīr meñ aa

ye savād-e-shahr aur aisā kahāñ husn-e-malīh
shash-jihat meñ mulk dekhā hī nahīñ punjab sā

dil lahū jab talak na ho 'aḳhgar'
rañg-e-husn-e-talab nahīñ aatā

chashm-e-havas hai shefta-e-husn-e-zāhirī
dil āshnā-e-ma.ani-e-begāna ho gayā

kuchh tirā husn bhī hai hosh-rubā
kuchh mirī shoḳhī-e-bayāñ bhī hai

tāsīr-e-ishq ye hai tire ahd-e-husn meñ
miTTī kā bhī banā.eñ to ho be-qarār dil

haa.e ye husn-e-tasavvur kā fareb-e-rañg-o-bū
maiñ ye samjhā jaise vo jān-e-bahār aa hī gayā

husn pāband-e-qafas ishq asīr-e-ālām
zindagī jurm-e-mohabbat kī sazā aaj bhī hai

allāh-re ro.ab-e-husn ki us but ke sāmne
aa.ī jo baat dil se zabāñ par vahīñ rahī

latmoñ se bahr-e-husn ke hai zulf kā ye rañg
lahroñ meñ jaise phirtī ho nāgin bahī bahī

bār-e-ḳhātir hī agar hai to ināyat kiije
aap ko husn mubārak ho mirā dil mujh ko

vo fazā vo chaudhvīñ kī chāñdnī
husn kī shabnam girā kar chal diye

karvaTeñ liiñ to bahut husn kī ra.anā.ī ne
ishq kā rañg pa 'māhir' kabhī zaa.il na huā