Tags-Husn

jamāl-e-shāhid-e-ma.anī pe jab nikhār aa.e
ḳhayāl-e-husn banūñ aur sher-e-tar meñ rahūñ

abhī javānī hai mai-kade par abhī to bādal bhī hai ghanerā
abhī to zinda hai husn saaqī abhī salāmat hai ishq merā

pesh-e-nazar rahte haiñ bāham phirte haiñ ā.ankhoñ meñ har dam
husn-e-kasrat nūr-e-vahdat kis kī badaulat dil kī badaulat

dil ke jazbe javān rakhtī hai
tere husn-o-jamāl kī ḳhushbū

umr bhar chashm-e-tamāshā ko rahī jis kī talāsh
'hosh' vo husn-e-gurezāñ mire ash.ār meñ thā

hamesha mā.il-e-husn-e-butāñ rahe 'āzar'
kabhī to qā.il-e-husn-e-ḳhudā hue hote

haq meñ ab āshiq ke dekheñ faisla hotā hai kyā
ishq kā da.avā huzūr-e-husn to bātil nahīñ

kuchh to vo husn pashemāñ hai jafā par apnī
aur kuchh us ke liye dil thā kushāda yuuñ bhī

vo bhī har-ān nayā merī mohabbat bhī na.ī
jalva-e-husn kashish hai mirī hairānī ko

āḳhir us ke husn kī mushkil ko hal maiñ ne kiyā
ek nasrī nazm thī jis ko ġhazal maiñ ne kiyā

husn-e-zan kaam liije bad-gumānī phir sahī
be-takalluf aur kiije mehrbānī phir sahī

husn hī to nahīñ betāb-e-numā.ish 'unvāñ'
ishq bhī aaj na.ī jalvagarī māñge hai

lauh-e-murtad pe ye mahmūd ke likh denā thā
husn vo shai hai ki lete hī ḳharīdār bike

husn aur ishq kyā haiñ ye bhī haiñ
ḳhatfa-e-barq-o-qatra-e-sīmāb

vo tirā husn ho ki ishq mirā
koī pāband-e-māh-o-sāl na thā

ḳhud-faroshī husn ko jab se huī madd-e-nazar
nirḳh-e-dil bhī ghaT gayā jāneñ bhī arzāñ ho ga.iiñ

partav-e-husn hai nāhīd guzar-gāh-e-ḳhayāl
sar pe rakkhī hai chhalaktī huī gāgar kis ne

nazar is husn par Thahre to āḳhir kis tarah Thahre
kabhī ḳhud phuul ban jaa.e kabhī ruḳhsār ho jaa.e

kyā ajab hai bhuul jaa.eñ ahl-e-dil apnā bhī dard
husn-e-mastāna ko āḳhir meñ pashīmāñ dekh kar

ik husn-e-be-misāl kī tamsīl ke liye
parchhā.iyoñ pe rañg girātā rahā huuñ maiñ