Tags-Husn

isyāñ sarisht-o-pākī-e-dāmāñ kī ik dalīl
kyā lutf husn-e-tafraqaأpardāz se uThā

na koī jalvatī na koī ḳhalvatī na koī ḳhaas thā na koī aam thā
na koī husn thā na koī ishq thā na yahī naam thā na vahī naam thā

vo shaḳhs thā muraqqa.a-e-mānī kī ek zid
rañg-e-hazār husn-e-junnūñ-sāz se uThā

is baam se niklegā tire husn kā ḳhurshīd
is kunj se phūTegī kiran rañg-e-hinā kī

talāsh-e-zar meñ javāñ kuuch karte jaate the
'kamāl' gaañv kā sab husn martā jaatā thā

tum ko ḳhudā ne diyā saarī ḳhudā.ī kā husn
mujh ko atā kar diyā saarī ḳhudā.ī kā ishq

kartā huuñ jo baar baar bosa-e-ruḳh kā savāl
husn ke sadqe se hai mujh ko gadā.ī kā ishq

kyā kyā thiiñ husn-o-ishq meñ bāham ishārateñ
thā koī saḳht giir koī saḳht kosh thā

parde meñ lan-tarānī thī rag rag meñ josh thā
chamkī jo barq husn na maiñ thā na hosh thā

zinda 'fā.ez' kā dil huā tujh suuñ
husn terā bī faiz-e-bāī hai

kis se us husn kā afsāna kahūñ jis ke liye
maiñ ne sochā bhī nahīñ thā kabhī merā hogā

jis husn kī hai chashm-e-tamannā ko justujū
vo āftāb meñ hai na hai māhtāb meñ

chāñd hī kyā kahkashā.eñ bhī kareñ aa kar tavāf
us parī-paikar ko aisā husn-e-lā-sānī na de

ḳhūn-e-dil-o-jigar se hai husn-e-ḳhayāl husn-e-fan
is ke baġhair sher kyā majmūa kyā kitāb kyā

idhar ye haal ki chhūne kā iḳhtiyār nahīñ
udhar vo husn ki āñkhoñ pe e'tibār nahīñ

maujzan dekh tire husn kā dariyā-e-bahār
bāñdh de bād-e-sabā ḳhaak ke pul barsar-e-gul

khol kar baaġh meñ terā juz-e-majmūa-e-husn
aaj laa.ī hai sabā āfat-e-kul barsar-e-gul

tirā chehra tirā husn-e-vafā kuchh aur kahtā hai
magar shīrīñ-laboñ kā zā.iqa kuchh aur kahtā hai

kyā kareñ jaan na de deñ jo mohabbat vaale
har adā husn kī paiġhām-e-qazā hai ai dost