Tags-Husn

dekhiye husn kā me.aar na girne paa.e
is ko mīzān-e-ḳharīdār pe tolā jaa.e

dil-e-shā.ir bhī hai phisaDDī hī
husn ke pīchhe pīchhe rahtā hai

hai husn yahī shai to gumāñ aur na kiije
saudā nahīñ matlūb zarā dekh rahā huuñ

husn-e-fardā ḳhayāl-o-ḳhvāb rahā
aur maazī o haal se bhī ga.e

nigāh-e-shauq ko jab terā naqsh-e-pā na milā
mujhe bhī husn-e-haqīqat kā aa.ina na milā

ishq ko husn ke atvār se kyā nisbat hai
vo hameñ bhuul ga.e ham to unheñ yaad kareñ

ik ik adā-e-husn hamārī nazar meñ hai
ulfat kī chāshnī hai nigāh-e-itāb meñ

na fanā mirī na baqā mirī mujhe ai 'shakīl' na DhūñDhiye
maiñ kisī kā husn-e-ḳhayāl huuñ mirā kuchh vajūd o adam nahīñ

duniyā se 'yās' jaane ko jī chāhtā nahīñ
allāh re husn gulshan-e-nā-pā.edār kā

tamām husn-o-mohabbat tamām ra.anā.ī
vo ik nigāh jo paiġhām-e-zindagī laa.ī

fitrat meñ jis kī roz-e-azal se hijāb hai
vo husn be-hijāb agar ho to kyā kareñ

kurra-e-arz bhī mehvar se haTā jaatā hai
be-jahat husn kā ik ye bhī tamāshā dekho

ik jahāñ da.avat-e-nazzāra hai kyā kyā dekho
husn-e-dīdār-talab kā bhī tamāshā dekho

ab yuuñ karam na kar ki ba-īñ vasf-e-husn-o-nāz
shāyad tujhe bhī ishq kā saudā garāñ rahe

kisī ke husn kā mazmūn ham raqam karte
so hasb-e-hāl hameñ aisā qāfiya na milā

matā-e-husn-o-ulfat par yaqīñ kitnā thā donoñ ko
yahāñ har chiiz faanī hai na tum samjhe na ham samjhe

vo imtiyāz-e-husn hai ma.anī o lafz kā
'vahshat' ko jis ne 'ġhālib'-e-daurāñ banā diyā

husn-āfrīñ huā hai tasavvur jamāl kā
dil ko havā-e-gul ne gulistāñ banā diyā

kahāñ ye nok-palak phir kahāñ ye husn-e-shabāb
idhar ko dekho yahī to hai dekh-bhāl kā vaqt

husn-e-fitrat jalva-gar ho kar yaqīnan ik din
rañg kaliyoñ ko guloñ ko dilkashī de jā.egā