Tags-Husn

jalva-e-husn-e-parastish garmi-e-husn-e-niyāz
varna kuchh kaabe meñ rakkhā hai na but-ḳhāne meñ hai

be-ḳhudī meñ dekhtā huuñ be-niyāzī kī adā
kyā fanā-e-zindagī ḳhud husn ban jaane meñ hai

ab to tere husn kī har anjuman meñ dhuum hai
jis ne merā haal dekhā terā dīvāna huā

aañkh churā rahā huuñ maiñ apne hī shauq-e-dīd se
jalva-e-husn-e-be-panāh tū ne ye kyā dikhā diyā

dil o dimāġh tasavvur mizāj husn-e-bayāñ
kabhī ke ho chuke raushan

vafā ḳhulūs adā husn zulf aur naġhma
ḳhudā kare yahī lahja ġhazal ko raas aa.e

husn kī bārgāh meñ ai 'sa.īd'
tū bhī thā dast-basta bhuul gayā

mahfil meñ aa ga.e haiñ aur suraḳh-rū bhī hoñge
e.azāz bhī milegā 'bāno' ko husn-e-zan se

tirā hī jism koī mo.ajiza na kar paayā
maiñ tere husn pe īmān laane vaalā thā

jo āñkheñ hoñ to husn-o-ishq kī sūrat nazar aa.e
ayaañ ho rañg-e-gul meñ saut-e-bulbul meñ nihāñ bhī ho

ġhashī ho aur ġhashī meñ hosh bhī kuchh kuchh rahe baaqī
vo husn-e-lā-yazālī kuchh ayaañ bhī kuchh nihāñ bhī ho

kar liyā nazzāra-e-husn apnī āñkhoñ par harām
maiñ ne radd kar diiñ nazar kī dāvateñ tere liye

ajab nahīñ gul-e-ruḳhsār sausanī ho jaa.eñ
bahār-e-husn ko hai āfat-e-ḳhizānī dhuup

husn se kaam paḌā hai āḳhirī sāñsoñ meñ
aur vo kisī ke kaam nahīñ aane vaalā

zindagī se paas lekin husn ke qisse se duur
ham ġhazal rakhte haiñ apnī zulf ke saa.e se duur

ham ne apne ishq kī ḳhātir zanjīreñ bhī dekhīñ haiñ
ham ne un ke husn kī ḳhātir raqs bhī zer-e-dār kiyā

un ke chehre chāñd tāroñ kī tarah raushan rahe
jin ġharīboñ ke yahāñ husn-e-qanā.at hai bahut

ā.īna-e-rañgīn-e-jigar kuchh bhī nahīñ kyā
kyā husn hī sab kuchh hai nazar kuchh bhī nahīñ kyā

fitrat-e-husn ko hai aise sitam-kash kī talāsh
jo vafā par bhī kare uzr-e-ḳhatā mere ba.ad

maiñ huuñ un kī ibtidā aur vo haiñ merī intihā
ḳhatm ho jo husn par vo ishq kā afsāna huuñ