Tags-Husn

husn-e-iḳhlās hī nahīñ varna
aadmī aadmī to aaj bhī hai

husn vaalo zarā batāo nā
kyuuñ kisī se vafā nahīñ karte

ishq meñ radd-o-badal thā mushkil
husn kī kitnī adā.eñ huiiñ rad

kabhī vo sher-o-suḳhan kā shaidā kabhī vo tahqīq kā divāna
vo merī ġhazloñ kā husn-e-matl.a mire maqāle ke baab jaisā

be-misl us ke husn ko kahte haiñ do-ālam
distā hai har ik ḳhalq ko apne suuñ piyārā

us ke faroġh-e-husn se jhumke hai sab meñ nuur
sham-e-haram ho yā ki diyā somnāt kā

rabt hai husn o ishq meñ bāham
ek dariyā ke do kināre haiñ

jo ḳhat hai shikasta hai jo aks hai TuuTā hai
yā husn tirā jhūTā yā aa.ina jhūTā hai

khile jo ek darīche meñ aaj husn ke phuul
to sub.h jhuum ke gulzār ho ga.ī yak-sar

kisī kisī kā husn nashīlā hotā hai
kuchh shā.ir bhī hote haiñ matvāle jī

ishq to yaar adāoñ ko nigal jaatā hai
husn-e-bebāk bachāne kā bhī sochā jaa.e

hiddat-e-husn-e-nazar se bhī bachā kar ḳhud ko
ishq meñ risk uThāne kā bhī sochā jaa.e

mashshātgī-e-zulf-e-suḳhan kā ehsās
ārā.ish-e-husn-e-fikr-o-fan kā ehsās

āshnā jab tak na thā us kī nigāh-e-lutf se
vārdāt-e-qalb ko husn-e-bayāñ samjhā thā maiñ

dariyā-e-husn aur bhī do haath baḌh gayā
añgḌā.ī us ne nashshe meñ lī jab uThā ke haath

husn har rañg meñ maḳhsūs kashish rakhtā hai
vo tabassum kī adā ho ki sitam-koshī ho

jāzbiyyat to ba-har-hāl huā kartī hai
husn kī bū-qalamūnī ho ki ḳhush-poshī ho

tirā soz-e-ishq hai zindagī tirā jazb-e-husn hai be-ḳhudī
tujhe pā ke ḳhush hai tirā 'zakī' nahīñ kaam aish-e-davām se

tire husn ne ye ġhazab kiyā ki har ahl-e-dil huā mubtalā
jise dekhā terā hī said thā na koī bachā tire daam se

tirā husn hai mirī zindagī tirā ishq hai mirī āshiqī
tirī fikr hai mirī shā.irī tirā zikr mere kalām se