Tags-Husn

kahīñ jamāl-e-azal ham ko rūnumā na milā
mile to husn magar husn aap sā na milā

allāh-re un ke husn kī mojiz-numā.iyāñ
jis baam par vo aa.eñ vahī koh-e-tūr ho

qābil-e-dīd hai husn-e-hikmat
huur ko rauza-e-rizvāñ baḳhshā

ishq se āshnā rahā huuñ maiñ
husn kā mudda.ā rahā huuñ maiñ

ham ko havas-e-jalva-gāh-e-tūr nahīñ hai
us husn kī kyā qadr jo mastūr nahīñ hai

vahī merā dard ravāñ-davāñ vahī terā husn javāñ javāñ
kabhī 'mīr'-o-'dard' ke bait paḌh kabhī sher 'dāġh'-o-'jigar' ke dekh

tujhe ā.īne meñ na mil sakegā tirī adāoñ kā bāñkpan
agar apnā husn hai dekhnā to mirī ġhazal meñ utar ke dekh

ātish-e-husn se ik aab hai ruḳhsāroñ meñ
ai tirī shaan ki paanī bhī hai añgāroñ meñ

tirā husn bhī bahāna mirā ishq bhī bahāna
ye latīf isti.āre na samajh sakā zamāna

use to husn kī hurmat kā paas thā itnā
ki kā.enāt muammā hai parda-dāroñ kā

husn hai maġhrūr dil saudā.ī hai
ishq aur nafrat meñ hāthā-pā.ī hai

shi.ār-e-husn kī tauqīr kā taqāzā hai
marīz-e-ishq se tajdīd-e-rasm-o-rāh karo

tīrgī jitnī baḌhe husn ho afzūñ terā
kahkashāñ maañg meñ māthe pe ziyā māñgte haiñ

dikhā.eñ husn-e-bayāñ shā.irī meñ kyā 'taslīm'
zabān aa.e na andāz-e-guftugū aa.e

ho jaa.e husn ko na kisī kī nazar kahīñ
achchhe nahīñ haiñ dekhne vāloñ ke sāmne

maiñ us ke husn ke aalam kī kyā karūñ tārīf
na pūchh mujh se ki aalam dikhā.e haiñ kyā kyā

husn us kā usī maqām pe hai
ye musāfir safar nahīñ kartā

us husn-e-ta.alluq kā adā shukr ho kyūñ-kar
maiñ ne jo kiyā yaad to us ne bhī kiyā yaad

husn-e-malīh kā na kiyā zaḳhmiyoñ ne shukr
ai kirdgār nikle namak phuuT phuuT ke

ai husn ye andāz-o-adā tujh meñ kahāñ the
maiñ tere liye ā.īna-e-ishva-garī huuñ