Tags-Husn

aa.e the shahr-e-husn meñ ik din
aur ik umr se yahīñ ke haiñ

ka.aba-o-dair kā miT jaa.e jahāñ se jhagḌā
jalva-e-husn-e-haqīqat vo agar aam kareñ

husn se va.ada-ḳhilāfī ishq se taubā kareñ
diin ke bhī hoñ bure duniyā ko bhī rusvā kareñ

rutba-dāñ thā jabīn-e-ishq kā maiñ
husn ke dar pe jab.ha sā na huā

ḳhurshīd āsmāñ pe rahā tū zamīñ pe hai
mīzān-e-husn meñ tirā palla girāñ rahā

ai 'razā' ḳhatt-e-siyah us ke nahīñ chehre par
husn ke vāqiye kā yaar azā-dār hai aaj

husn-e-kalām khīñche kyūñkar na dāman-e-dil
is kaam ko ham āḳhir mahbūb kar chuke haiñ

husn pahchānegī merā dekhne vaalī nazar
ḳhuuñ to hai āñkhoñ meñ chehre par agar ġhāza nahīñ

kasrat-e-vahdāniyat meñ husn kī tanvīr dekh
dīda-e-haq-bīñ se rañg-e-ālam-e-tasvīr dekh

tumhārā husn hai yaktā chalo maiñ maan letā huuñ
koī tum sā nahīñ dekhā chalo maiñ maan letā huuñ

aur kyā e.ajāz hotā husn-e-lailā ke liye
mar gayā majnūñ magar zinda hai ab tak nām-e-ishq

ye shabāb-o-husn terā aur ye nāz-o-adā
TūTtī haiñ donoñ hāthoñ se tirī añgḌā.iyāñ

sadmoñ ne ishq-e-husn ke dam kar diyā fanā
'ātish' sazā gunāh-e-mohabbat kī pā chuke

zer-e-zamīñ bhī taḌpeñge ai āsmān-e-husn
betāb tere gor meñ bhī chain pā chuke

kan.āñ se shahr-e-misr meñ yūsuf ko le ga.e
bāzār meñ bhī husn ko āḳhir dikhā chuke

jazba-e-shauq ki vāraft-e-husn-e-ib.hām
aur vo shoḳh ki lafzoñ ke ma.ānī māñge

maiñ aañkh jhapaktā huuñ to manzar nahīñ rahtā
ai husn-e-dil-āvez ajab muḳhtasrī hai

nazar paḌī na mirī ro.ab-e-husn se ruḳh par
agarche sāmne mere vo be-naqāb aayā

garmī-e-husn kī mid.hat kā silā lete haiñ
mish.aleñ aap ke saa.e se jalā lete haiñ

udhar sab se parda idhar sab meñ jalva yahāñ vaar aalim vahāñ aur manzar
kahīñ vo ayaañ hai kahīñ vo nihāñ hai kabhī husn-poshī kabhī ḳhud-numā.ī