Tags-Husn

duniyā ke har ḳhayāl se begāna kar diyā
husn-e-ḳhayāl-e-yār ne dīvāna kar diyā

kaam husn-kāroñ kā āñsuoñ kī zau de kar kuchh kañval khilā denā
maut husn-kāroñ kī jab vo ḳhud shab-e-ġham meñ ye diye bujhāte haiñ

kaam āshiq ko kisī kī aib-bīnī se nahīñ
husn-bīnī ko ḳhudā ne dī hai bīnā.ī mujhe

kis husn-e-pur-tajallī kī har chiiz hai asiir
haibat ye kis ke hukm kī ġhālib hai shahr meñ

na khule uqdā-hā-e-nāz-o-niyāz
husn bhī raaz aur ishq bhī raaz

namūna hai takmīl-e-husn-e-suḳhan kā
guhar bāri-e-tabā-e-hasrat nahīñ hai

tamām rañg-e-ibārat meñ soz-e-jāñ se mire
maiñ husn-e-zāt huuñ aur manzil-e-jamāl meñ huuñ

ai hasīñ laḌkī tumhāre husn ke lazzat parast
kāfirī se sar bachā kar shā.irī tak aa ga.e

log bīmār kyuuñ na paḌ jaate
jab ki thā husn-e-chāra-gar dar-pesh

tumheñ hai naaz agar apne husn-e-sarkash par
to merā ishq bhī hai rū-kash-e-jamāl bahut

jo rāz-e-do-jahāñ hai amānat hai husn kī
hāsil mujhe vo azmat-e-dard-e-jigar hai aaj

mad-hoshī-e-jamāl hai yā husn-e-iltifāt
tamkīñ se be-ḳhabar nigah-e-fitnagar hai aaj

is kī sohbat se farozāñ aaj sham-e-e'tibār
is kī ulfat se daraḳhshāñ aaj husn-e-iḳhtiyār

hisār-e-husn ke haale meñ muñh nazar aayā
milā ke haath jo lī us hasīñ ne añgḌā.ī

phir zikr chāhatoñ kā samā.at kā husn ho
phir dāstān-e-vasl sunā.e to baat hai

bhaḌke hai dil kī ātish tujh neh kī havā suuñ
sho.ala namat jalā dil tujh husn-e-sho.ala-zā suuñ

hai mere dil kī tarah is se ye pareshāñ-hāl
milā hai zulf ko husn-e-siyāh-ḳhāna-e-ishq

faroġh-e-bazm-e-tasavvur hai yaad pistāñ kī
habāb-e-husn bane haiñ charāġh-e-ḳhāna-e-ishq

naqāb udhar vo uThā.eñ idhar maiñ aah karūñ
samand-e-husn pe paḌ jaa.e tāziyāna-e-ishq

ye mahfil-e-tarab-e-husn hai nahīñ maqtal
sadā gulū-e-burīda kī hai tarāna-e-ishq