Tags-Husn

ai shahr-e-be-misāl tire bām-o-dar kī ḳhair
ai husn-e-lā-zavāl tire bām-o-dar kī ḳhair

mausam-e-husn to thā fasl-e-jafā bhī aa.ī
saath hī saath javānī kī adā bhī aa.ī

ham us ke husn kā jaadū bhī chaḌhne dete haiñ ḳhud par
aur apne aap par kuchh paḌh ke dam bhī karte rahte haiñ

tumhī se hoñ to ye kyuuñ sochtā huuñ maiñ kyā huuñ
tumhī ki husn-e-jahāñ bhī ho husn-e-tāq tumhī

mire junūñ ko ḳhair-o-shar ke dā.ere se duur rakh
ye zindagī kā husn intiḳhāb ke liye nahīñ

sau husn le ke aa.ī hai duniyā-e-ārzū
ārā.ish-e-hayāt kā sāmāñ nazar meñ hai

naaz hai ḳhalīlī ko husn-e-naqsh-e-sānī par
garche āzarī hī ne ye sanam banāyā hai

kaun maslūb huā husn kā kirdār ki ham
shohrat-e-ishq meñ badnām huā yaar ki ham

munkashif hote ga.e ham-sūrat-e-sañg-e-vajūd
zindagī husn-e-adam bhī kār-farmā.ī bhī hai

sañg-dil sāmne aatā hai to ye sochtā huuñ
aarzū husn kī dīvār se Takrā.ī hai

husn-e-pur-nūr se lipaTne ko
pāgaloñ sā machal rahā hai badan

chāhiye aur tujhe kyā pa.e-hañgāma-e-husn
tere qurbān ye sab kaun-o-makāñ hai to sahī

gulshan pe hai ḳhizāñ kā tasallut to ġham nahīñ
dil meñ fareb-e-husn-e-bahārāñ sajā ke lā

ishq elaan se pahle thā 'shanāvar' kyā chiiz
husn iz.hār-e-ḳhayālāt se pahle kyā thā

nahīñ sirf zāhid hī jalvoñ kā mahram
tire husn ke rāzdāñ aur bhī haiñ

na kī husn kī qadr ai māh-e-kāmil
faqat raat bhar meñ javānī luTā dī

ajab daulat-e-husn paa.ī thī dil ne
na maanī mirī ik na maanī luTā dī

ġhusse meñ josh maarā jo dariyā-e-husn ne
jalve nazākatoñ ke pasīne pe aa rahe

maiñ jism nahīñ husn huuñ ai chashm-e-abad-tāb
mar kar bhī mohabbat kī kahānī meñ rahūñgī

hazāroñ husn vaale is zamīñ meñ dafn haiñ 'muztar'
qayāmat hogī jab ye sab ke sab madfan se nikleñge