Tags-Husn

tere faroġh-e-husn se ye bhī na ho sakā
nazroñ ke hausle to baḌhātī hai chāndnī

har shai pe tire husn kā jaadū hai azal se
kyā chiiz tire husn se mas.hūr nahīñ hai

husn se lījiye tanzīm-e-do-ālam kā sabaq
sub.h hotī hai to gesū bhī sañvar jaate haiñ

ishq mahkūm sahī bekas-o-majbūr sahī
husn tanhā bhī huā hai asar-andāz kahīñ

ham haiñ aur ehtirām-e-husn-e-vafā
vo haiñ aur ehtimām-e-mashq-e-sitam

shikva-e-hijr-e-yār kaun kare
husn ko sharmsār kaun kare

batā ai husn kab tak ishq kī taqdīr meñ āḳhir
ba-minnat dil diyā karnā ba-hasrat muñh takā karnā

merī duā yahī hai sharīk-e-safar ke saath
aa jaa.e ham ko husn-e-nizāmat ḳhudā kare

daa.im ho us ke husn kī nuzhat ḳhudā kare
aur mujh meñ ye junūn kī lazzat ḳhudā kare

khaḌe jo hote ho tum aan aan koThe par
karoge husn kī kyā tum dukān koThe par

bashar to kyā hai farishte kā jī nikal jaave
tumhāre husn kī dekh ān-bān koThe par

hasrat-e-dīd miTā luuñ to chale jā.iyegā
husn ko dil meñ basā luuñ to chale jā.iyegā

ai falak daur-husn meñ us ke
tujh ko kuchh fikr-e-mehr-o-māh nahīñ

jī bhar ke zarā dekh to leñ husn ke jalve
phir kis ko unheñ chhoḌ ke jiine kā yaqīñ hai

har shai meñ numāyāñ hai jalva āñkhoñ se magar mastūr bhī hai
shah-e-rag se qarīñ hai husn-e-azal shahpar se nazar ke duur bhī hai

tābāñ jo nūr-e-husn ba-sīmā-e-ishq hai
kis darja dil-pazīr tamāshā-e-ishq hai

shaah o gadā kā farq nahīñ ahd-e-husn meñ
ab jis ko dekhiye use dāvā-e-ishq hai

māh-o-anjum husn-e-parvāz-e-taḳhayyul ke liye
rahguzar kī dhuul manzil kī nishānī aur bas

husn dikhlā rahā hai jalva-e-haq
rū-e-tābāñ se saaf raushan hai

vaah kyā husn kaisā joban hai
kaisī abrū haiñ kaisī chitvan hai