Tags-Ilm

naqsh us kā bhī kiyā daur-e-falak ne bātil
thī jo kaave ke alam se bañdhī iqbāl kī khaal

ek jhanDe haiñ sabhī rañg judā haiñ un ke
kaun hai kis kā alam-dār kahāñ jā.ūñ maiñ

haath uThā sakte the mere bhī baġhāvat kā alam
maiñ ne har zulm ke ḳhāne maiñ muāfī likkhā

adab hai dīn-o-duniyā hai chhupā hai ilm bhī is meñ
mire bachcho kitāboñ ko salīqe se rakhā jaa.e

mujhe ilm hai
yahī ilm merā surūr hai ye ilm merā azaab hai

ba-ijz-e-ilm-o-dānish jaao un kī bazm meñ 'tarzī'
ġhazal kī sher-bandī par bulāte haiñ ġhazal vaale

tujhe havās kī āvārgī kā ilm kahāñ
kabhī maiñ tujh ko tire sāmne talāsh karūñ

jalegā jitnā bhī duniyā ko raushnī degā
charāġh-e-ilm-o-hunar hai ise bujhānā kyā

dars-e-ilm-e-ishq se vāqif nahīñ mutlaq faqīh
nahv hī meñ mahv hai yā sarf hī meñ sarf hai

ḳhatm chhuTTī madrase kā dar khulā
aql-o-dānish ilm-o-fan kā ghar khulā

ilm ek nuur hai ye nuur bikhar jaane do
sub.h-e-irfāñ ko zarā aur nikhar jaane do

ilm mazdūr ko fankār banā detā hai
ilm mansūr ko hoshiyār banā detā hai

ilm ke saath hai lāzim ki amal ho 'manzar'
baat sahrā kī sadā ho to kidhar jā.egī

le ke kashkūl-e-ilm-o-hikmat-o-fan
kū-ba-kū jaañ kī bhiik māñgī hai

fasurda hai ilm harf-hā-e-kitāb bhī bujh ke rah ga.e haiñ
hai raakh hī raakh madrasoñ meñ nisāb bhī bujh ke rah ga.e haiñ

'faisal' jo shahr aap hī mismār ho gayā
kyā ilm kab se hamd-o-sanā ke baġhair thā

vo yaktā zaat hai ain-e-surūr-e-ilm-o-haq ai dil
nihāñ kasrat meñ vahdat ho ga.ī hai mā-sivā kyā hai

mujhe ilm thā mujhe kam paḌegī ye raushnī
so maiñ inhisār charāġh par nahīñ kar sakā

jis ne insāñ se mohabbat hī nahīñ kī 'tābish'
us ko kyā ilm ki pindār se aage kyā hai

tujhe ilm hai mirā koī tere sivā nahīñ
mujhe aa ke aise gale lagā ki maiñ ro paḌūñ