Tags-Insaan

qurbāniyoñ kā daur hai bakroñ kī ḳhair ho
hai aur baat hālat-e-insān ġhair ho

dam bhar meñ jo ho ḳhatm vo afsāna nahīñ huuñ
insān huuñ insān maiñ parvāna nahīñ huuñ

tadbīr ma.āsh is jā hai shart-e-ḳhirad-mandī
insān nahīñ ginte ham 'mus.hafī' kaa.er ko

ab ek baar to qudrat javāb-dah Thahre
hazār baar ham insān āzmā.e ga.e

mere ahbāb ne tahzīb na sīkhī hogī
maiñ jahāñ huuñ vahāñ insān na rahte hoñge

mere ahbāb ne tahzīb na sīkhī hogī
mere māhaul meñ insān na rahte hoñge

kyā faqat rahm kī haqdār haiñ nañgī rūheñ?
kyuuñ ye insānoñ pe insān taras khāte haiñ?

zindagī aaj hai insān kī to misl-e-qafas
umr-e-paiham ke liye apnī chitā māñge hai

insān saare masjid-o-mandir meñ baT ga.e
insāniyat is daur meñ nākām ho ga.ī

hotī nahīñ hai vaq.at hotī nahīñ hai izzat
jab tak ki koī insāñ insān ho na jaa.e

past ġhāroñ ke añdheroñ meñ jo le jaatī haiñ
vo uḌāneñ bhī to insān ko bharte dekhā

be-hisī insān kā hāsil na ho
dostī ho ret kā sāhil na ho

tum na maano magar haqīqat hai
ishq insān kī zarūrat hai

afsos kisī se miT na sakī insān ke dil kī tishna-labī
shabnam hai ki royā kartī hai bādal haiñ ki barsā karte haiñ

hamārī sāda-lauhī thī ḳhudā-baḳhshe ki ḳhush-fahmī
ki har insān kī sūrat ko mā-fauq-ul-bashar jaanā

insān khā rahā hai fareb-e-hayāt kyuuñ
kashtī kabhī ravāñ bhī huī hai sarāb meñ

kitne hī khule fahm-o-farāsat ke darīche
haiñ qaid-e-jahālat meñ ham insān abhī tak

sadiyoñ ke taġhayyur se banī sūrat-e-insāñ
insān nahīñ hai magar insān abhī tak

fāsle kab kisī insān ko raas aa.e haiñ
tum jo bichhḌe ho to kis tarah na ġham ho mujh ko

maiñ hindū huuñ musalmāñ tum ye haiñ insān kī bāteñ
vo hai ḳhāliq sabhī kā us ke aage sab barābar hai