Tags-Insaan

ḳhulq himmat aur muravvat haiñ sharaf insān ke
vo kabhī insāñ nahīñ hai jis meñ ye hālat nahīñ

yuuñ na paḌhiye kahīñ kahīñ se hameñ
ham bhī insān haiñ kitāb nahīñ

jis jagah insān kī izzat na ho
us jagah phir kyā Thaharnā der tak

baneñ behtar bhī ab insān kaise
banāne ko vo āb-o-gil nahīñ ab

yahāñ par aag hai merī lagā.ī
ki huuñ sharminda maiñ insān ban ke

aisī fitrat-shikār-duniyā meñ
itnī insān-nā-shanāsī kyuuñ

har ik insān ke a.amāl bhī yaksāñ nahīñ hote
koī ghar toḌ detā hai koī ta.amīr kartā hai

siyāhī ban ke chhāyā shahr par shaitān kā fitna
gunāhoñ se lipaT kar so gayā insān kā fitna

nādānī aur majbūrī meñ yaaro kuchh to farq karo
ik be-bas insān kare kyā TuuT ke dil aa jaa.e to

tavāf-e-māh karnā aur ḳhalā meñ saañs lenā kyā
bharosa jab nahīñ insān ko insān ke dil par

haqīqat meñ vo ā.īna-sifat insān hotā hai
ki tauba kar ke bhī jis kī pashemānī nahīñ jaatī

kanhaiyā nahīñ maiñ jo nāgoñ ko nath luuñ
maiñ aisā baḌā koī insān kab huuñ

is zamāne ke jo mīr-o-sultān the nau-e-ādam meñ ya.anī jo insān the
dil se paa.ī unhoñne vo nashv-o-numā tere kūche ke āḳhir gadā ho ga.e

haañ magar shart-e-vafā ye hai ki pā.ūñ bhī vafā
maiñ bhī insān huuñ kamtar nahīñ rutba merā

ma.alūm ki insān kise kahte haiñ
samjhā ki musalmān kise kahte haiñ

zulmat-e-kufr ko īmān nahīñ kahte haiñ
sag-e-ḳhūñ-ḳhār ko insān nahīñ kahte haiñ

arsh kī aaḌ meñ insān bahut khel chukā
ḳhūn-e-insān se haivān bahut khel chukā

dene lagā ākāsh ke darvāzoñ pe dastak
insān kā vo daur jo patthar se chalā thā

is daur-e-be-zamīr pe kyā tabsira karūñ
lagtā hai mere ahd meñ insān hī nahīñ