Tags-Insaan

aaj insān kā chehra to hai sūraj kī tarah
ruuh meñ ghor añdhere ke sivā kuchh bhī nahīñ

jahāñ insān patthar ho chuke haiñ
maiñ us bastī meñ kaise jī rahā huuñ

tujh se milā na thā to yahī sochtā thā maiñ
insān ḳhud-kafīl nahīñ hai jamāl meñ

nukta-chīnī to fitrat hai insān kī kis kā shikva kareñ kis ko ilzām deñ
ḳhud hamīñ kaun se pārsāoñ meñ haiñ ham ko duniyā se koī shikāyat nahīñ

vo suhūlat hameñ goggle ne farāham kī hai
pal meñ insān brazil se bāteñ kar le

ġham kī tashrīh hañsī-khel nahīñ hai koī
pahle insān tū bin phir ye hunar paidā kar

saa.e larazte rahte haiñ shahroñ kī galiyoñ meñ
rahte the insān jahāñ ab dahshat rahtī hai

dekh is daur meñ ālām-o-masā.ib ke hujūm
dekh is daur meñ insān kā tanhā honā

jis ne is daur ke insān kiye haiñ paidā
vahī merā bhī ḳhudā ho mujhe manzūr nahīñ

anjān se ik ḳhauf ko Dhotā huā insān
apne ko bachāne kā jatan DhūñD rahā hai

dekhiye kab tak mile insān ko rāh-e-najāt
laakh barsoñ meñ to vīrāñ chāñd kā rasta milā

kyā tire shahr ke insān haiñ patthar kī tarah
koī naġhma koī pāyal koī jhankār nahīñ

kis qadar mahdūd kar detā hai ġham insān ko
ḳhatm kar detā hai har ummīd har imkān ko

kitne insān mohabbat kā labāda oḌhe
mere aariz ke subū pī ke mujhe chhoḌ ga.e

maiñ sochtā huuñ
maiñ ek insān huuñ ek musht-e-ġhubār huuñ maiñ

dard-e-dil ke vāste paidā kiyā insān ko
varna taa.at ke liye kuchh kam na the karr-o-bayāñ

jis ke dil meñ koī armān nahīñ hotā hai
merī nazroñ meñ vo insān nahīñ hotā hai

tavāf-e-māh karnā aur ḳhalā meñ saañs lenā kyā
bharosa jab nahīñ insān ko insān ke dil par

sochtī huuñ aag ugalte sāñpoñ kī tarah
kisī insān kī phunkār ne mujhe chiñgārī dikhā dī

sab ne.amateñ haiñ shahr meñ insān hī nahīñ
kuchh yuuñ ki jaise ye koī nuqsān hī nahīñ