Tags-Insaan

aaj ke daur kā insān ajab hai yārab
lab pe tārīf hai siine meñ hasad hai had hai

rahtā nahīñ insān to miT jaatā hai ġham bhī
so jā.eñge ik roz zamīñ oḌh ke ham bhī

sochūñ to shuāoñ se tarāshūñ tirā paikar
chhū luuñ to vahī barf kā insān hī rah jaa.e

vo kahāñ haiñ hameñ nahīñ ma.alūm
jin ko insān se mohabbat hai

javāz mil na sakā mujh ko apne hone kā
so apne aap ko insān hī nahīñ paayā

dil qalandar ho to insān sitāroñ se buland
afsarī jāh-o-hasham daulat-o-shohrat kyā hai

jism kī maut koī maut nahīñ hotī hai
jism miT jaane se insān nahīñ mar jaate

jism kī maut koī maut nahīñ hotī hai
jism miT jaane se insān nahīñ mar jaate

na kasdam haiñ na af.ī haiñ na azhdar
mileñge shahr meñ insān hī kyā

agar hai insān kā muqaddar ḳhud apnī miTTī kā rizq honā
to phir zamīñ par ye āsmāñ kā vajūd kis qahr ke liye hai

bas ek insān kī ḳhushī hai kisī haqīqat kī rū-numā.ī
magar kisī ḳhvāb ke ziyāñ kā malāl ik shahr ke liye hai

jab nigal letā hai tūfāñ baḌh ke kashtī nuuh kī
ghuT ke jab insān meñ rah jaatī hai azmat ruuh kī

ḳhuub mushkil hai par āsān liyā jaatā hai
kitnā halke meñ ye insān liyā jaatā hai

insān apne aap meñ majbūr hai bahut
koī nahīñ hai bevafā afsos mat karo

abhī to fāqa-kash insān se āñhkeñ milānā hai
abhī jhulse hue chehroñ pe ashk-e-ḳhūñ bahānā hai

javāñ hote hī le uḌā husn tum ko
parī ho ga.e tum to insān ho kar

āḳhir insān huuñ patthar kā to rakhtā nahīñ dil
ai buto itnā satāo na ḳhudā-rā mujh ko

jo har insān ko sarshār kar de
maiñ aisā giit gaanā chāhtā huuñ

insān meñ kyā bharā huā hai
hoñToñ se dimāġh tak sile haiñ

shāyad ki shahr meñ koī insān aa gayā
dekho hujūm sā hai sar-e-rahguzār kyā