Tags-Insaan

bashar kā shar numāyāñ ho gayā daur-e-taraqqī meñ
yahī vo aadmī hai jo kabhī insān thā pahle

apne hāthoñ hī miTā dete haiñ ḳhud apnā nishāñ
aise insān nahīñ dekhe magar dekhe haiñ

ham par jaan chhiḌakne vaalā vo parvān chaḌhāne vaalā pālne vaalā ghar apnā
vo balvān banāne vaalā vo insān banāne vaalā Dhālne vaalā ghar apnā

kis ke aage ye malā.ek kī jabīneñ ḳham haiñ
jis ko sajda ye huā hai kahīñ insān na ho

ḳhud nahīñ chaltā koī aur chalātā hai use
ab to insān bhī tultā hai mashīnoñ kī tarah

ravāñ hai umr aur insān ġhāfil
musāfir hai ki sotā jā rahā hai

koī to dahr meñ zinda rahe ḳhudāvandā
tire jahān meñ insān marne vaalā hai

apne vīrāne kā nuqsān nahīñ chāhtā maiñ
ya.anī ab dūsrā insān nahīñ chāhtā maiñ

har badī kartī hai insān ko duniyā meñ halāk
sam-e-qātil hai vo aadat jo burī hotī hai

insān ne asrār-e-jahāñ faash kiye haiñ
soyā huā ḳhurshīd hai zarra nigarāñ hai

har laġhzish-e-bashar par tanqīd karne vaalo
tum ye bhulā chuke ho insān aadmī hai

chashm-e-vahdat se jo insān zarā ġhaur kare
jis ko dekhe yahī samjhe ki ḳhudā baiThā hai

ek aisī jagah jis meñ insān na baste hoñ
ye makr o jafā-pesha haivān na baste hoñ

insān hādsāt se kitnā qarīb hai
tū bhī zarā nikal ke kabhī apne ghar se dekh

ham us ke vasl ke chakkar meñ ġhārat ho ga.e āḳhir
kiyā hotā jo hijr achchhe-bhale insān ho jaate

kahūñ maiñ insāñ bilā-tāmmul
magar hai insān kā to saaya

na ham par hañso haal hotā hai ye hī
musībat jo insān par TūTtī hai

ḳhalā insān vahshat ḳhaak hijrat
makāñ raste nishānī be-yaqīnī

insān be-hisī se hai patthar banā huā
muñh meñ zabān bhī hai lahū bhī ragoñ meñ hai

tahzīb hī baaqī hai na ab sharm-o-hayā kuchh
kis darja ab insān ye bebāk huā hai