Collections

Lab Shayari

Motivational Ghazals

Best Khamoshi Shayari

More Collections

Tags-Insaan

ek bigḌī huī qismat pe na hañsnā ai dost
jaane kis vaqt ye insān sañvar jaatā hai

waqt ka qafila aata hai guzar jata hai

kaalā insān ho yā koī zard insān
rañgat meñ ho yā chāñd kī gard insān

kala insan ho ya koi zard insan

insān-dostī ke taqāzoñ kā silsila
insān-dushmanī kī hadoñ se milā huā

teri nigah se tujhko KHabar hai ki kya hua

zamīñ pyāsī 'zamīr' insān bhī pyāse nahīñ rahte
agar dariyā maiñ ban jaatā agar maiñ jhiil ho jaatā

juda us jism se ho kar kahin tahlil ho jata

us umr meñ baḌh jaate haiñ mehnat ke taqāze
jis umr meñ insān se mehnat nahīñ hotī

aankhon mein agar aap ki surat nahin hoti

kyā irtiqā-pazīr hai insān kā zamīr
rishtoñ ko chhoḌ-chhāḌ ke ashyā tak aa gayā

tera KHayal teri tamanna tak aa gaya

badle hue hālāt se māyūs na honā
insān ke jazbāt se māyūs na honā

badle hue haalat se mayus na hona

ilāhī bhed tere us ne zāhir kar diye sab par
kahā thā kis ne tū 'sīmāb' ko insān paidā kar

jo salik hai to apne nafs ka irfan paida kar

ham to insān haiñ jī kyūñki rahe bin ro.e
ki farishte bhī hue marsiya-ḳhvān-e-dehlī

miT gae hae makin aur makan-e-dehli

dil meñ gaḌ jaatī hai jab sā.at-e-māzī kī salīb
vaqt ruk jaatā hai insān guzar jaatā hai

chandni raat mein har dard sanwar jata hai

ye ḳhuddār honā hī laayā ḳharābī
mohabbat meñ insān ḳhuddār kyuuñ ho

kisi dil mein mere liye pyar kyun ho

zindagī kā har nafas mamnūn hai tadbīr kā
vā.izo dhokā na do insān ko taqdīr kā

zindagi ka har nafas mamnun hai tadbir ka

hai ye duniyā jā-e-ibrat ḳhaak se insān kī
ban ga.e kitne subū kitne hī paimāne hue

hai ye duniya ja-e-ibrat KHak se insan ki

aisā ho sab insān hoñ ḳhush itne ki har roz
ik dūsre se kahtā phire īd-e-mubārak

aa jae wo milne to mujhe id-mubarak

maut hī insān kī dushman nahīñ
zindagī bhī jaan le kar jā.egī

maut hi insan ki dushman nahin

aisā insān ki jis kā koī ġham-ḳhvār na ho
aise insān ko hālāt nigal jaate haiñ

unki aamad se jo arman machal jate hain

chashm-e-qātil hameñ kyūñkar na bhalā yaad rahe
maut insān ko lāzim hai sadā yaad rahe

chashm-e-qatil hamein kyunkar na bhala yaad rahe

banāyā ai 'zafar' ḳhāliq ne kab insān se behtar
malak ko dev ko jin ko parī ko huur o ġhilmāñ ko

banaya ai zafar Khaaliq ne kab insan se behtar

vo husn hai insān kī merāj-e-tasavvur
jis husn ko puujā hai mire sher o adab ne

dawa to kiya husn-e-jahan-soz ka sab ne

varna mushkil baḌī hogī yahāñ duniyā-dārī
dekh insān ko insān se bāñdhe hue rakh

haar ko jit ke imkan se bandhe hue rakh