Collections

Lab Shayari

Motivational Ghazals

Best Khamoshi Shayari

More Collections

Tags-Intezar

bardāsht kar na pā.ūñgā vahshat kī raat ko
use shām-e-intizār bipharne lagā huuñ maiñ

ai markaz-e-KHayal bikharne laga hun main

ab shafaq yā abr kā 'gulzār' kyuuñ ho intizār
un kī āñkhoñ se jo piine kā ishāra ho gayā

ai masiha-dam tere hote hue kya ho gaya

javāb naame kā qāsid mazār par laayā
ki jāntā thā use tāb-e-intizār nahīñ

kisi se bas ki umid-e-kushud-e-kar nahin

kyuuñ us ke intizār meñ baiThā huuñ der se?
is rah-guzar se us ne guzarnā to hai nahīñ

sauda-e-ishq yun bhi utarna to hai nahin

nazar hai dar pe hamārī ki dam hai āñkhoñ meñ
abhī kuchh aur tirā intizār kar leñge

kisi ki yaad ko apna shiar kar lenge

aap kā e'tibār kaun kare
roz kā intizār kaun kare

aap ka etibar kaun kare

tire ḳhayāl meñ dil aaj sogvār sā hai
mujhe gumān hai kuchh us ko intizār sā hai

tere KHayal mein dil aaj sogwar sa hai

tum hijrat kā karb nahīñ jānte
tum ne 'intizār-husain' ke afsāne nahīñ paḌhe

hijrat

hañgām-e-sub.h-e-īd meñ bhī vo mazā kahāñ
jo lutf mil gayā hai shab-e-intizār meñ

aaya na aab-e-rafta kabhi juebar mein

kis kis tarah kī dil meñ guzartī haiñ hasrateñ
hai vasl se ziyāda mazā intizār kā

kis kis tarah ki dil mein guzarti hain hasraten

ḳhayāl-o-ḳhvāb masarrat kī ik tavaqqo.a par
tamām-umr mujhe intizār-e-ḳhvāb rahā

KHarab-haal hun har haal mein KHarab raha

ik intizār meñ qaa.em hai is charāġh kī lau
ik ehtimām meñ kamre kā dar khulā huā hai

fareb-e-zar mohabbat-nagar khula hua hai

jahāñ vo āñkheñ mirā intizār kartī thiiñ
ab un darīchoñ se māyūsiyāñ Tapaktī haiñ

fazaen kaif-e-bahaaran se jab mahakti hain

ho intizār kisī kā magar mirī nazreñ
na jaane kyuuñ tirī aamad kī raah taktī haiñ

fazaen kaif-e-bahaaran se jab mahakti hain

sukūt-e-shab meñ tire intizār kā aalam
ki jaise duur kahīñ pā.eleñ khanaktī haiñ

fazaen kaif-e-bahaaran se jab mahakti hain

ujālā ho to DhūñDūñ dil bhī parvānoñ kī lāshoñ meñ
mirī barbādiyoñ ko intizār-e-sub.h-e-mahfil hai

kamal-e-ilm o tahqiq-e-mukammal ka ye hasil hai

'ādil' saje hue haiñ sabhī ḳhvāb ḳhvān par
aur intizār-e-ḳhalq-e-ḳhudā kar rahe haiñ ham

aadil saje hue hain sabhi KHwab KHwan par

hai intizār meñ barsoñ se rahnumāoñ ke
hamārī manzil-e-jāñ kā nishān bhī ham bhī

teri talash mein hai saeban bhi hum bhi

ġham-e-jahāñ ko sharmsār karne vaale kyā hue
vo saarī umr intizār karne vaale kyā hue

gham-e-jahan ko sharmsar karne wale kya hue

kamāl-e-ishq to dekho vo aa ga.e lekin
vahī hai shauq vahī intizār baaqī hai

kamal-e-ishq to dekho wo aa gae lekin