Tags-Intezar

ab tak kis intizār meñ baiThe hue haiñ log
ummīd ke liye koī imkān chāhiye

maut kā intizār thā aa.ī
jā.iye ab mujhe qarār aayā

kab tak ye roz-e-hashr sun ai shām-e-intizār
kyā raat ab na aa.egī sūraj to Dhal gayā

ai mere yaar tire pīchhe aa rahā huuñ maiñ
tū intizār kī ḳhātir falak pe ruk jaanā

miT gayā shikve se lutf-e-intizār
ab hameñ vo raah dikhlātā nahīñ

sub.h-e-visāl kā bhī din dekhūñgā ai ḳhudā kabhī
ho chukīñ shām-e-intizār yak do sah chaar panj o shash

vo sham-e-intizār kī lau kar gayā mujhe
maiñ raushni-e-taba.a se huuñ pech-o-tāb meñ

kabhī qatār se bāhar kabhī qatār ke biich
maiñ hijr-zād huā ḳharch intizār ke biich

ye intizār-e-musalsal ye jāñ-kanī ye azaab
har ek lamha jahannam har ek ḳhvāb sarāb

nazar nazar be-qarār sī hai nafas nafas meñ sharār sā hai
maiñ jāntā huuñ ki tum na aaoge phir bhī kuchh intizār sā hai

āḳhir huā hai hashr bapā intizār meñ
sub.h-e-shab-e-firāq huī mārvāḌ meñ

tirā intizār is qadar baḌh gayā hai
ki har aane vaale ko ham dekhte haiñ

koī to hogā jis ko mirā intizār hai
kahtā hai dil ke shahr-e-tamannā meñ le ke chal

hai ain-e-vasl meñ bhī mirī chashm sū-e-dar
lapkā jo paḌ gayā hai mujhe intizār kā

'ādil' saje hue haiñ sabhī ḳhvāb ḳhvān par
aur intizār-e-ḳhalq-e-ḳhudā kar rahe haiñ ham

chamak rahā vahī gauhar-e-vafā ban kar
'guhar' jo ashk mirī chashm-e-intizār meñ thā

sar-e-rāh sab utarte, mah-o-āftāb-o-anjum
shab-e-tār jagmagātī agar intizār karte

na the ham yagāna aise ki savāl uThtā koī
unheñ kyā ġharaz thī ham se jo vo intizār karte

kabhī milte phir na shāyad kisī moḌ par bhī donoñ
isī rāh-e-pur-ḳhatar par agar intizār karte

maiñ huuñ begāna-e-jahāñ 'afzal'
kyuuñ kare koī intizār mirā