Tags-Intezar

hamārī na.ash ko Thokar lagā ke us ne kahā
hamāre aane kā kyā ḳhuub intizār kiyā

jalā.ī tū ne agar na mash.al koī charāġh aur DhūñD leñge
jinheñ zarūrat hai raushnī kī kareñge vo intizār kab tak

koī aayā na aa.egā lekin
kyā kareñ gar na intizār kareñ

mar rahā huuñ magar nahīñ martā
ḳhalish-e-intizār ne maarā

tū vo bahār jo apne chaman meñ āvāra
maiñ vo chaman jo bahārāñ ke intizār meñ hai

guzar kuchh aur bhī āhista ai nigār-e-visāl
ki ek umr se maiñ tere intizār meñ thā

ab ik kiran bhī nahīñ nīm-vā darīche meñ
ḳhushā vo din ki koī mere intizār meñ thā

na jaane kis kā hameñ intizār rahtā hai
ki bām-o-dar ko hamesha sajāte rahte haiñ

ab intizār kī shab jaane kis nagar meñ kaTe
ye din to ham ne tire shahr meñ guzār diyā

kuchh tirā intizār thā aur kuchh
mai-e-gul rañg-o-nāb kā bhī thā

jaane vaale kabhī nahīñ aate
chāho to intizār kar dekho

kyuuñ sham-e-intizār bujhāte ho ai 'qamar'
naale haiñ ye kisī ke sahar kī azaañ nahīñ

o jaane vaale aa ki tire intizār meñ
raste ko ghar banā.e zamāne guzar ga.e

nafas charāġh siyah pāniyoñ meñ thā ḳhāmosh
ḳhabar nahīñ ki use intizār kis kā thā

kyā shab-e-intizār honā thā
nāhaq ummīd-vār honā thā

ḳhvāhish-e-vasl-e-yār to puurī na ho sakī magar
dasht-e-hayāt kaT gayā vahshat-e-intizār meñ

vaqt itnā kahāñ thā vaqt ke paas
varna kartā vo intizār mirā

shab-e-ġham zahr hī khāne kā maza thā varna
intizār-e-sahar-e-vasl ne maarā hotā

hai intizār muqaddar to intizār karo
par apne dil kī fazā ko bhī ḳhush-gavār karo

hargiz kiyā na bād-e-ḳhizāñ kā bhī intizār
vo taaza gul thā maiñ ki khilā aur jhaḌ gayā