Tags-Intezar

ye zamīñ kis ke intizār meñ hai
kyā ḳhabar kyuuñ hai ye nagar ḳhāmosh

mirī nigāh kahāñ dīd-e-husn-e-yār kahāñ
ho e'tibār to phir tāb-e-intizār kahāñ

kabhū na āñkhoñ meñ aayā vo shoḳh ḳhvāb kī tarah
tamām-umr hameñ us kā intizār rahā

mire dil pe terā qabza mirā iḳhtiyār tū hai
mirī zindagī kā hāsil mirā intizār tū hai

āñkheñ sahar talak mirī dar se lagī rahīñ
kyā pūchhte ho haal shab-e-intizār kā

intizār āhaToñ kā jitnā hai
itnā paiġhām kā nahīñ hotā

dil ko hai saḳht intizār-e-javāb
kah shitābī se kyā kahā qāsid

na pūchho kaise shab-e-intizār guzrī hai
bhalā ho dil kā bahut be-qarār guzrī hai

tum aa.e ho na shab-e-intizār guzrī hai
talāsh meñ hai sahar baar baar guzrī hai

jaane kis kī aahaT kā intizār kartā hai
TuuT to chukā hai vo dekho kab bikhartā hai

ḳhud aa ga.e haiñ simaT kar nigāh meñ jalve
visāl-e-dost hai ye rañj-e-intizār nahīñ

ye bāñkpan ye adā ye shabāb kā aalam
tum aa ga.e to kisī kā ab intizār nahīñ

shab-e-intizār kī kashmakash meñ na pūchh kaise sahar huī
kabhī ik charāġh jalā diyā kabhī ik charāġh bujhā diyā

mohlat kuchh aur kashmakash-e-intizār de
aa jaa.e kuchh ḳhayāl use kyā ajab kabhī

bahut sī āñkhoñ meñ tīrgī ghar banā chukī hai
bahut sī āñkhoñ ne intizār-e-sahar kiyā hai

phūñkā hai kis ne gosh-e-mohabbat meñ ai ḳhudā
afsūn-e-intizār tamannā kaheñ jise

ham sitāroñ kī tarah Duub ga.e
din qayāmat ke intizār meñ hai

ek patthar ki dast-e-yār meñ hai
phuul banñe ke intizār meñ hai

apnī tasvīr khīñchtā huuñ maiñ
aur ā.īna intizār meñ hai

tū jauhrī hai to zebā nahīñ tujhe ye gurez
mujhe parakh mirī shohrat kā intizār na kar