Tags-Ishq

ishq aksar māñgtā hai naġhma-e-ishrat kī bhiik
ahl-e-duniyā kī tahī-dastī pe sharmātā huuñ maiñ

har-chand dard-e-ishq kā darmāñ nahīñ magar
bantī nahīñ hai fikr-e-mudāvā kiye baġhair

ham ko bhī dekhnā hai ki ye munkarīn-e-ishq
kab tak raheñge terī tamannā kiye baġhair

maiñ vo ma.anī-e-ġham-e-ishq huuñ jise harf harf likhā gayā
kabhī āñsuoñ kī bayāz meñ kabhī dil se le ke kitāb tak

nashāt-e-dāġh-e-ġham-e-ishq kī bahār na pūchh
shaguftagī hai shahīd-e-gul-e-ḳhizānī-e-sham.a

mahfil-e-rāz meñ ham sah ga.e har vahm kī choT
āḳhir ik ishq kā me.aar banā kar uTThe

ye pichhle ishq kī bāteñ haiñ
jab aañkh meñ ḳhvāb damakte the

ye pichhle ishq kī bāteñ haiñ

ishq kyā havas kyā hai bandish-e-nafas kyā hai
sab samajh meñ aayā hai tū jo bevafā niklā

junūn-e-shauq kī takmīl ho na ho phir bhī
kisī ke pesh-e-nazar ishq kā savāl to hai

ishq kyā itnā baḌā jurm hai? jis par yāvar!
dushman-e-jān hue jaan se pyāre saare

ai dil tujhe karnī hai agar ishq se bai.at
zinhār kabhū chhoḌiyo mat silsila-e-dard

vo jhūTā ishq hai jis meñ fuġhāñ ho
vo kachchī aag hai jis meñ dhuāñ ho

junūn-e-ishq meñ hastī aalam par nazar kaisī
ruḳh-e-lailā ko kyā dekheñge mahmil dekhne vaale

dil kī baat na maanī hotī ishq kiyā kyuuñ piirī meñ
apnī marzī bhī shāmil hai apnī be-tauqīrī meñ

paidā kiyā hai jab se ki maiñ rabt-e-ishq se
begāna jāntā hai har ek āshnā mujhe

is uljhan ko suljhāne kī kaun sī hai tadbīr likho
ishq agar hai jurm to mujrim rāñjhā hai yā hiir likho

carrom ho shatranj ho yā phir ishq hī ho
khel koī ho ham ne be-īmānī kī

bā-ḳhabar kar ke rah-e-ishq kī mushkil se tujhe
faisla chhoḌ diyā hai tirī āsānī par

bazm-e-husn-o-ishq meñ 'akbar' kī afsurda-dilī
daad ke laa.eq nahīñ be-dād ke qābil nahīñ