Tags-Ishq

lene na deveñge mujhe Tuk chain jiite jī
dushman ye dono gardish-e-ayyām aur ishq

yaañ ġhash haiñ shauq-e-tauf haiñ yārān-e-ka.aba ko
ai nāma-bar tū kahiyo ye paiġhām aur ishq

kyā naam le ke us kā pukārā karūñ ki yaañ
rakhtā hai har zabān meñ ik naam aur ishq

pūchhā kisī ne qais se tū hai mohammadī
bolā vo bhar ke aah ki islām aur ishq

asbāb-e-kā.enāt se bas ho ke be-navā
'inshā' ne intiḳhāb kiyā jaam aur ishq

ham ko mai-ḳhvār hī mai-ḳhvār nazar aate haiñ
sab mai-e-ishq se sarshār nazar aate haiñ

bad-zanī zulm-o-sitam hajv-e-sanam rusvā.ī
ishq meñ to baḌe āzār nazar aate haiñ

ḳhatm mujh par hī nahīñ ishq masīhā mere
mujh ko to aap bhī bīmār nazar aate haiñ

nahīñ dekhā kahīñ jo mājrā-e-ishq meñ dekhā
ki ahl-e-dard chup haiñ chāra-gar fariyād karte haiñ

jigar ko mire ishq-e-ḳhūñ-nāba-mashrab
likhe hai ḳhudāvand-e-nemat salāmat

na kyuuñ hoñ is adā par ishq kī ḳhuddāriyāñ sadqe
unheñ rūdād-e-ġham sun sun ke hairat hotī jaatī hai

ishq meñ ik pīr-e-derīna huuñ maiñ
mujh ko nāseh aa ke kyā samjhā.eñge

majāl-e-ishq kahāñ thī ki ham ko kartā ḳhaak
hameñ to ziist kī pāmāliyoñ ne maarā hai

ishq marhūn-e-hikāyāt-o-gumāñ bhī hogā
vāqi.a hai to kisī taur bayāñ bhī hogā

tā-dam-e-marg ishq jiitā rahā
gor meñ bhī mirā salām liyā

kis din do-chār nargisī āñkhoñ se maiñ huā
is ishq ne kiyā mujhe bīmār be-sabab

duniyā-dārī khel-tamāsha ishq-o-mohabbat rāhat-e-jāñ
aag meñ apnī jal kar ham ne ban bargad ye gyaan liyā

bad-gumāñ ishq ko sad vahm-o-yaqīñ ke khaTke
shoḳhī-e-chashm suḳhan-sāz hai ġhammāz judā

āh-o-zārī se kabhī sāz-e-mohabbat na chhuḌā
ġham kā andāz judā ishq kā andāz judā

ḳhud apnī ḳhvāhish pe jaan dene kā naam rakkhā hai ishq-o-ulfat
huā havas meñ ye ḳhud-farebī ke jaal kyā dil-nashīñ bune haiñ