Tags-Ishq

hai sanam-ḳhāna mirā paimān-e-ishq
zauq-e-mai-ḳhāna mujhe sāmān-e-ishq

dil ishq meñ tabāh huā yā ki jal gayā
achchhā huā ḳhalish ga.ī kāñTā nikal gayā

armān kyā ga.e ki gayā dil bhī ishq meñ
ye vo juā hai jis meñ hamārā mudal gayā

anjām-e-ishq dekh liyā apnī aañkh se
ab to safī' dimāġh kā tere ḳhalal gayā

maiñ ek ishq meñ nākām kyā huā 'gauhar'
har ek kaam meñ mujh ko ḳhasārā hone lagā

ai ḳhirad tujh se kisī dil ko jagāyā na gayā
ishq ke haath meñ to bol uThe patthar tak

jazba-e-ishq kī farāḳh-dilī
tū jhukā thā to jhuk ga.ī maiñ bhī

nahīñ ḳhayāl sivā us ke aur hai dil meñ
jo maktab ishq meñ jaise paḌhā sanam kī kitāb

huā ba-madrasa-e-ishq jab se tālib-e-ilm
bahut hai apne mutāla ko ek dam kī kitāb

tire ishq ke talātum ne Dubo diyā hai varna
to ai mauj-e-reg maiñ bhī koī bulbulā nahīñ thā

kare tā-bulbul-e-dil kuuñ ġhazal-ḳhvāñ
bahār-e-ishq kā hañgām aayā

dāġh-e-sozān-e-ishq se dil ko
chashma-e-āftāb kartā huuñ

kyuuñ ishq ke jhagḌe ko le jaatā hai uqbā meñ
kar ḳhātma duniyā meñ duniyā kī musībat kā

na apnī ḳhud-ġharzī hai na hī shikāyat-e-dost
hai ishq-o-husn ke mābain guftugū merī

ye ek vādī-e-pur-ḳhār-e-ishq thī 'sāqib'
ulajh ke rah ga.ī har dil meñ guftugū merī

ishq meñ tere gul khā kar jaañ apnī dī hai 'nasīr' ne aah
us ke sar-e-marqad par gul-rū lā koī duunā phūloñ kā

gulshan-e-ishq kā tamāshā dekh
sar-e-mansūr phal hai daar daraḳht

pā-e-idrāk meñ chubhtā huā kāñTā niklā
ishq ke daam meñ ḳhud apnā sarāpā niklā

kyā kyā haiñ dard-e-ishq kī fitna-tarāziyāñ
ham iltifāt-e-ḳhās se bhī bad-gumāñ rahe

ishq ḳhud sikhātā hai saarī hikmateñ 'ālī'
naqd-e-dil kise denā bār-e-sar kahāñ rakhnā