Tags-Ishq

mujhe saltanat to milī huī hai jamāl kī
kisī ishq kā koī taaj hī nahīñ mil rahā

aisī manzil par mujhe pahuñchā diyā hai ishq ne
merā jo qātil hai us ko bhī duā detā huuñ maiñ

kyuuñ kisī kā naam le kar ishq ko rusvā karūñ
apne dil kī aag ko ḳhud hī havā detā huuñ maiñ

shurū-e-ishq meñ logoñ ne itnī shiddat kī
ki rafta rafta kamī ho ga.ī mohabbat kī

ishq karne kā mujhe kahtī hai samjhāo use
mujh sā mazdūr mohabbat bhī nahīñ kar saktā

sar ma.arka-e-ishq meñ āsāñ nahīñ denā
gaaḌe hai jahāñ sham.a qadam uTh nahīñ saktā

jānib-e-ka.aba tū kyuuñ le gayā but-ḳhāne se
mujh se dīvāne ko ai ishq na bahkānā thā

tujh ishq meñ jal jal kar sab tan kuuñ kiyā kājal
ye raushnī afzā hai añkhiyā ko lagātī jā

kaun rahbar ho ishq kī rah meñ
aap hī apne rahnumā haiñ ham

ishq meñ shukr-o-shikāyat meñ koī farq nahīñ
apnā apnā alag andāz-e-bayāñ hotā hai

na husn o ishq ne paa.ī amaañ qahr-e-ilāhī se
dabī pādāsh amīrī se faqīrī se na shāhī se

shajar-e-ishq hameñ daar ke mānand bhī hai
dil kisī shāḳh-e-tarab-nāk se paivand bhī hai

maiñ vo ma.anī-e-ġham-e-ishq huuñ jise harf harf likhā gayā
kabhī āñsuoñ kī bayāz meñ kabhī dil se le ke kitāb tak

ek arse se
jazbāt-o-ehsās kī vādī-e-ishq kī bastī

dāna-e-ishq bo rahā hai patañg
soḳhta garche hai zamīn-e-sham.a

ḳhaak setī sajan uThā ke kiyā
ishq tere ne sar-buland mujhe

hijr-o-visāl-e-yār kā parda uThā diyā
ḳhud baḌh ke ishq ne mujhe merā patā diyā

gard-o-ġhubār-e-hastī-e-fānī uḌā diyā
ai kīmiyā-e-ishq mujhe kyā banā diyā

ik barq-e-be-qarār thī tamkīn-e-husn bhī
jis vaqt ishq ko ġham-e-sabr-āzmā diyā

phir dekhnā nigāh laḌī kis se ishq kī
gar husn ne hijāb-e-taġhāful uThā diyā